@tuesday_v: Lubog Sa Kawalan Acrylic On Canvas 16x20 inches Sining na isinilang mula sa unos. Mula sa masakit na realidad ng baha, papunta sa pag-asang kaya nating magbago. Ang paulit-ulit na pagbaha ay hindi lang basta panahon—isa itong gising-tawag para sa ating lahat na alagaan ang kalikasan at mag luklok ng lideratong aalagaan ito bago maging huli ang lahat. Hindi natin kailangang maghintay na humupa ang tubig bago tayo magsimulang magmalasakit. Ano mang debate at talaktakan sa mga plenaryo ay walang saysay kung patuloy na kinukulimbat ang pondo para sa kaligtasan at kapakanan ng mga tao. Kaya tayo ay gumising na. Tayo ang henerasyong pwedeng magpabago ng daloy. Patuloy tayong lumikha, lumaban, at magmahal sa ating mundo. Patuloy na ipag laban ang para sa ating nga mamanayan. Ang sining ay hindi lang para sa kagandahan; ginawa rin ito para maging salamin ng ating realidad. Pero sa kabila ng mataas na baha, nananatili ang ating pag-asa at katatagan. May kakayahan tayong bumangon, pangalagaan ang kalikasan, bumoto nang maayos na pinuno at bumuo ng mas ligtas na kinabukasan. 🌿✨

Tuesday Vargas

Open In TikTok:

Region: PH

Monday 10 August 2026 04:29:09 GMT