@osamadawoudelhadedy: دكتورة .. المفروض شغلتها السماعة والبالطو الأبيض، بقت تريند عشان هزتين بهوت شورت على مسرح جنب واحد بيغنى! لا حد كان يعرفها لما نجحت بتفوق ساحق فى الثانوية، ولا حد سمع عنها لما تفوقت فى رياضة الجمباز،.. بس أول ما هزت مع عمرو دياب، حياتها اتقلبت 180 درجة! البرامج بتتخانق عليها، و الأخت منى الشاذلي اللي مبتركبش غير التريند الهابط استضافتها، وبقت نجمة مجتمع! عايزين توصلوا ايه للشباب بالظبط؟! عايزين تقولوا إيه للأهالي: ؟؟؟؟ متعلموش ولادكم؟ متتعبوش في تربيتهم؟ وفروا فلوس الدروس والجامعات؟! علموهم الهز والرقص وقلة الحيا عشان هو ده اللي بيأكل عيش دلوقتي؟! هو ده المستقبل؟! وبالنسبة للمتصابى اللي داخل على الـ 70.. فاكر الجنة والنار دول حجز ليلتين في الساحل الشمالي؟! لحد امتى هتفضل مصر على المشهد ده؟ المأساة مش في بنت رقصت، المأساة في الفساد اللى ظهر في البر والبحر، كأنهم واخدين توكيل حصري من إبليس ومستعجلين يخلصوا التارجت قبل ما يموتوا. الموضوع بقى عبث. والأنيل.. ان فيه ناس بتصقف وفرحانة وبتدافع! احنا رايحين على فين بجد؟ " ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُون " #معقول_نرجع ⁉️ #الجميع #المتابعين

عميد / أسامه الحديدى

Open In TikTok:

Region: EG

Monday 10 August 2026 08:31:45 GMT