ကိုယ့်ထက် သီလ သမာဓိ ရှိသူတွေကို မပြစ်မှားမိပါစေနဲ့ သူတော်ကောင်းတွေကို ရိုသေနိုင်ကြပါစေ '' ကိသဝစ္ဆ ရသေ့အကြောင်း '' လူမုန်းရင် ပုန်းလို့ရတယ်၊ ကံမုန်းရင် ပုန်းလို့ကိုမရတာ။ သူတော်ကောင်း၊ အလေးဂရုပြုထိုက်သူ၊ မိမိတို့ထက် သီလ၊ သမာဓိ၊ ပညာသာတဲ့သူကို ပြစ်မှားလို့ တစ်တိုင်းပြည်လုံး ပျက်စီးသွားတဲ့ သာဓကသမိုင်းကြောင်းတွေရှိပါတယ်။ ရှေးအခါက ကုမ္ဘဝတီမြို့မှာ ဒဏ္ဏာကီမင်း အုပ်ချုပ်နေချိန်ပေါ့။ ထိုအချိန်မှာ စစ်သူကြီးက ကိသဝစ္ဆ ရသေ့ကို ကြည်ညိုပြီး ဥယျာဉ်ထဲမှာ ပင့်ထားခဲ့တယ်။ စစ်သူကြီးက ကိုးကွယ်ဆည်းကပ်တယ်ပေါ့။ တစ်နေ့ဒဏ္ဏာကီမင်းက ပြည့်တန်ဆာမ တစ်ယောက်ကို ရာထူးကချ၊ အလုပ်ဖြုတ်ထားလိုက်တယ်။ ပြည့်တန်ဆာမက စိတ်ညစ်ပြီး စိတ်သက်သာရာ ရလို့ရငြား ဥယျာဉ်ထဲ သွားတယ်။ အဲဒီဥယျာဉ်မှာ သီတင်းသုံးနေတဲ့ ကိသဝစ္ဆရသေ့ကိုမြင်တော့ မုတ်ဆိတ်တွေရှည် ဥယျာဉ်တော်ထဲမှာ နေရတာဆိုတော့ အဝတ်ကလည်းအမဲ မြင်ရတာ အကျည်းတန်တာပေါ့ ဒီပုဂ္ဂိုလ်ဟာ သူယုတ်မာပဲဖြစ်ရမယ်။ ဒီသူယုတ်မာရဲ့ခေါင်းပေါ်မှာ သလိပ်၊ တံတွေး၊ ချွဲတွေ၊ ထွေးပစ်ပြီး ရေချိုးသွားတာ ကောင်းမယ်လို့ တွေးပြီး ကိသဝစ္ဆရသေ့ရဲ့ ခေါင်းပေါ်မှာ သလိပ် ချွဲ တံတွေးတွေ ထွေးပစ်ပြီး ရေချိုးသွားတယ်။ မကြာခင်ရက်အတွင်းမှာပဲ ပြည့်တန်ဆာမက ရာထူးပြန်ရတယ်။ ဒီတော့ ပြည့်တန်ဆာမက အော်… ငါ သူယုတ်မာရဲ့ ကိုယ်ပေါ်မှာ သလိပ် ချွေး တံတွေးတွေ ထွေးပစ်မှု ပြုသွားလို့ ရာထူးပြန်ရတာပဲ လို့ အထင်မှားသွားတယ်။ ထို့နောက် မကြာမီ ဒဏ္ဏာကီမင်းသည်ပုရောဟိတ်ကို ရာထူးမှ ချထားလိုက်ပြန်တယ်။ ပုရောဟိတ်ပုဏ္ဏားလည်း ရထူးဌာနပြန်ရတဲ့ ပြည်တန်ဆာမထံ သွားရောက် အကြံဉာဏ်တောင်းတယ်။ ပုရောဟိတ်လည်း ပြည့်တန်ဆာမ ပေးလိုက်တဲ့ အကြံအတိုင်း ဥယျာဉ်ထဲသွားပြီးကိသဝစ္ဆရသေ့ရဲ့ ကိုယ်ပေါ်မှာ တံတွေး အညစ်အကြေး စားဖတ် ဝါးဖတ်တွေ ချွဲသလိပ်တွေ ထွေးပစ်ခဲ့ပြန်ပါတယ်။ ပုရောဟိတ်ပုဏ္ဏားကို ဒဏ္ဏာကီမင်းက ရာထူးပြန်ပေးခဲ့ပြန်ပါတယ်။ ပုရောဟိတ်လည်း သူလုပ်တာ အမှန်ပဲလို့ ယူဆခဲ့ပြန်တယ်။ ထို့နောက် တိုင်းစွန်းနယ်ဖျား ပစ္စန္တရာဇ်အရပ်၌ သူပုန်သူကန်တွေ ထကြွသောင်းကျန်းသောအခါ စစ်တိုက်ထွက်မည့် ဒဏ္ဏကီမင်းလည်း စစ်အောင်နိုင်ရန် ပုရောဟိတ်ထံ အကြံဉာဏ်တောင်းယ်။ ပုရောဟိတ်ကလည်း ဒီလိုလုပ်ပါ ဆိုတော့ မင်းကြီးလည်း နောက်လိုက်တွေနဲ့ ဥယျာဉ်ထဲသွားပြီး ကိသဝစ္ဆရသေ့ သူတော်ကောင်းရဲ့ ကိုယ်ပေါ်မှာ ချွဲသလ်ိပ် တံတွေးတွေ ထွေးပစ်လိုက်ပါတယ်။ နောက်လိုက်တွေလည်း ရသေ့ကြီးရဲ့ ကိုယ်ပေါ်မှာ တံတွေးအညစ်အကြေးတွေ ထွေးပစ်ခဲ့ကြပြီး စစ်တိုက်ထွက်သွားကြတယ်။ စစ်သူကြီးက နောက်မှရောက်လာပြီး ကိသဝစ္ဆရသေ့ကို ရေချိုးပေးတယ်။ ပြီးတော့ အရှင်ဘုရား မင်းကြီးဘယ်လို အပြစ်တွေဖြစ်မလဲဘုရား လို့လျှောက်တယ်ပေါ့။ ဒကာတော်၊ ငါ့ရဲ့ နှလုံးသားထဲမှာ အမျက်ဒေါသ ပြစ်မှားခြင်းမရှိပါ။ နတ်တွေက ဒေါသထွက်နေကြတယ်။ ဒီနေ့ကစပြီး နောက်(၇)ရက်မြောက်နေမှာ တစ်တိုင်းပြည်လုံး ပျက်စီးကြလိမ့်မယ်။ ဒကာတော်လည်း သားမယားကိုခေါ်ပြီး တိုင်းတစ်ပါးသို့ ပြေးလေတော့ လို့ မိန့်ကြားတယ်။ စစ်သူကြီးလည်း ကြောက်လန့်တကြား ပြေးသွားပြီး မင်းကြီးကို လိုက်သံတော်ဦး တင်တယ်ကွဲ့။ ဒါနဲ့ မင်းကြီးက မယုံကြည် လက်မခံဘူးကွဲ့။ စစ်သူကြီးလည်း ပြန်လာပြီး သားမယားကို ခေါ်ပြီး တိုင်းတစ်ပါးသို့ထွက်ပြေးသွားတယ်။ ဒဏ္ဏဝကီမင်းလည်း စစ်အောင် နိုင်သောကြောင့် သူခိုး၊ ဓားပြတွေကို ဖမ်းပြီး ကုမ္ဘဝတီမြို့သို့ ပြန်လာခဲ့တယ်။ ထိုအခါ နတ်တွေက မိုးကိုရွာစေတယ်ပေါ့။ မိုးရေထဲ အပုပ်အစပ် အညစ်အကြေးတွေ အကုန်မျောပါကုန်တယ်။ နောက် သဲဖြူမိုးကိုရွာစေပါတယ်။ နောက်ပန်းမိုးရွာပြန်တယ်။ နောက် အသပြာမိုး ငွေမိုးရွာတယ်။ အဲဒီနောက် နတ်ဝတ်တန်ဆာမိုး ရွာပြန်တယ်။ ထိုအခါ အိမ်ထဲကလူတွေအကုန် ထွက်လာပြီး ယူကြကောက်ကြတယ်။ ဒီတော့မှ လက်နက်မိုးတွေရွာလို့ လူတွေအပိုင်းပိုင်းပြတ်ပြီး သေကြရတယ်။ ပီးနောက် မီးကျီးမိုးရွာပြန်တယ်။ တစ်မြို့လုံး မီးတွေလောင်ပြီး ကျောက်တုံးမိုးရွာပြန်တယ်။ အိမ်လုံးပေါက် တောင်ထွဋ်လောက် ကျောက်တုံးကြီးတွေ ရွာချလိုက်တာ အတောင် ခြောက်ဆယ်လောက် ဖုံးလွှမ်းသွားတယ်။ ပြီးမှတစ်ခါ သဲမိုးရွာချတယ်။ ယူဇနာ ၆၀-လောက် သဲကန္တာရကြီး ဖြစ်သွားပါတယ်။ ဒီဖြစ်ရပ်ဟာ သီလ သမာဓိပညာဂုဏ်အားဖြင့် အလေးဂရုပြုရမည့် ပုဂ္ဂိုလ်ကို ပြစ်မှားမိလို့ တစ်မြို့လုံးပျက်စီးကုန်တာပါပဲ။ ဓမ္မဒူတဆရာတော် #ဓမ္မမိတ်ဆွေအပေါင်းသူတော်ကောင်းတို့🌹🌹🌹 #တရားအသိဖြင့်ဘ၀တွေအေးချမ်းကြပါစေ #fyp #မေတ္တာဖြင့်ပြန်လည်မျှဝေပါသည် #သံဝေဂရပါစေခြင်းအလို့ငှာ - @homhein2