Codkii naxariista iyo raxmadda gaarka lahaa ee yurub kolka aad maqasho adiga ayaaba iska jiboonaya. Yurub waxay fanka ku jirtaa Muddo ku siman 15sanno, waxayna qaaday heeso badan oo ay ka qaaday qaybaha kala duwan ee nolosha, umalayn maayo in ay jirto dhinac aysan yurub ka heesin, Nabadda, jacaylka, Horumarka,waddaniyadda iyo dhaamaan dhinacyadda kala duwan ee nolosha ayay wax badan ka tiri yurub. Waa shaqsiyad ilaahay gaar uga dhigay cod wanaagsan oo ay noolaha oodhami ku jecelyihiin, waa hubaal haddii ay uumiyaha oodhami ku jeclaadaan in ilaahay iyo malaa'igtiisuna ku jeclaanayaan, dhabtii yurub waa noole cir iyo dhulba laga jecel yahay,waliba aan si gaar ah ayaan fankeeda u jeclahay yurub. Yurub waa noole af-gaaban oo aan xumaan badan laga maqal, shaqsiyad wanaagsan oo dadka inta la kulantaa ay wanaag badan ka sheegtaan, noole ixtiraam badan oo ay isku ula dhaqanta dadka. Bal dhugo sidda ay heestan quruxda badan ugu raaxaysanayso qaadisteedda, wanaagga ka muuqda wajigeeda iyo sidda ay ruuxdeenna u gaadhsiinayso heesta, hab masraxiyeedkeeda ka dheer qabka iyo isla waynidda, Sidda degen ee ay u ciyaarayso una qaadayso heesta. Yurub geenyo waa dunni kaligeed fan ah, boqolaal fanka danbe ku jira ayay isku dhaantaa yurub. Haddii ay dadka qaybtood yidhaahdaan Jiilkii Hore khadra daahir AHUN ayaa ugu wacnayd, Waa hubaal in ay Jiilka danbe-na ay yurub hormuud utahay, hormuud kaliya maahee ay ugu qiimo badantahay. Nabad galyo iyo naxariisi korkaaga ha'aato yurubeey, abaal maguuraan ah ayaanu kuu haynaaye. Si kale yurub waxay si toos ah u dawaysaa bukaanadda ay naafeeyeen aafooyinka jacaylku! waxay inbadan ka qaadday heeso khuseeya xaaladahaas, xataa kuwo laga sameeyay qisooyin iyadda khuseeya, sidda heesta NAXLI. - @the_sakariye