@hend_kitchen88: بيتزا مطبقة على الغاز بدون فرن! 🍕🔥 أسرع وألذ عشاء صيفي في الطاوة مع #مطبخ_هند ✨ مساء الورد والروائح السّمحة! لما تبدوا تبوا بيتزا خفيفة، دايبة، ومقرمشة وما عندكمش وقت تشعلوا الكوشة.. هادي أسهل طريقة ندير بيها بيتزا مطبقة على عين الغاز مباشرة وفي دقائق تكون جاهزة! 🍕🧀 🥣 1️⃣ مكونات العجينة: 3 كوب دقيق. 1 ملعقة صغيرة سكر. 1 ملعقة صغيرة خميرة بيرة. 1 ملعقة صغيرة (مش معبية) ملح. من 1 إلى 1 وربع كوب ماء دافئ (حسب نوع الدقيق). 2 ملعقة كبيرة زيت زيتون أو زيت نباتي. 🫒 2️⃣ الحشوة: صلصة بيتزا جاهزة أو منزلية. تن (مصفى كويس من الزيت). زيتون مقطع (أسود وأخضر). فلفل أخضر حلو مقطع. جبنة بيتزا (موزاريلا). رشة زعتر مرحي. 🍳 3️⃣ طريقة التحضير: 1️⃣ العجن والتشكيل: في صحن نحطوا الدقيق، السكر، الخميرة، والملح ونخلطوا المكونات الجافة. نضيفوا المية الدافية تدريجياً ونعجنوا، وأخر حاجة نضيفوا الزيت ونكملوا نعجنوا كويس لعند ما تتكون عجينة طرية وما تلصقش في اليدين. نغطوها ونخلوها ترتاح، وبعدين نقسموها ونكورها لـ 5:او 6 كور. 2️⃣ التطيب والتطبيق في الطاوة: نسخنوا الطاوة كويس في البداية على نار عالية، وبعدين نخفضوا الحرارة لمتوسطة. نفردوا أول كورة بالدقيق بسُمك رقيق شوي، ونحطوها فوق الطاوة السخونة. أول ما تبدأ تجف العجينة وتتحمر تحميرة خفيفة جداً من تحت، نقلبوها على الجهة الثانية فوراً. ندهنوا الوجه بصلصة البيتزا، ونحطوا الحشوة (على نصف واحد بس من العجينة): الجبن، التن، الزيتون، الفلفل، ورشة الزعتر. نغطوا الحشوة بالنصف الثاني متاع العجينة (نطبوها على شكل نصف دائرة). نضغطوا عليها خفيف ونقلبوها على الجهتين لعند ما تتحمر العجينة وتأخذ لون ذهبي مش عادي وتذوب الجبنة تماماً من الداخل! تقدم دافية مع طاسة شاهي منعنعة وبالهنا والعافية عليكم ، #مطبخ_هند #بيتزا_الطاوة #بيتزا_مطبقة #الشعب_الصيني_ماله_حل😂😂
