@veriafya: Daktari Bingwa wa magonjwa ya wanawake na uzazi, Godfrey Chale anashauri umuhimu wa wazazi kuchunguza muonekano wa korodani za watoto wa kiume kabla hawajafikia umri wa balehe ili kuwaokokoa dhidi ya changamoto zinazoweza kutokea ambazo huathiri mfumo wao wa uzazi kutokana na kupotea kwa uwezo wa kurekebishika. Akizungumza kupitia Malkia Choice FM, Dkt. Chale anatoa pia wito kwa wazazi kutokuwa wabishi pindi wanapopewa ushauri na madaktari kuhusu matibabu sahihi ya changamoto za kutoonekana kwa korodani kwani matibabu ya mapema huwa na ufanisi zaidi.