@chawamata_tv: VIDEO: Madereva watano wamekamatwa katika operesheni iliyofanywa na Jeshi la Polisi Kikosi cha Usalama Barabarani katika maeneo ya VETA na Mnazi Mmoja mkoani Lindi, kwa tuhuma za kughushi nyaraka na kujiongezea madaraja ya leseni bila kuwa na sifa stahiki. Akizungumza wakati wa operesheni hiyo, Afisa wa Polisi kutoka Kikosi cha Usalama Barabarani Makao Makuu Dodoma, Kamishna Msaidizi Mwandamizi wa Polisi (SACP) Rutusyo Hakimu Mwambelo, amesema katika operesheni hiyo madereva wawili walikamatwa katika eneo la VETA baada ya kubainika kuwa na leseni za daraja D, lakini walikuwa wamejiongezea daraja E kinyume cha taratibu. Amesema baada ya kuhojiwa, madereva hao walibainika kuwa hawakuwa wamekwenda darasani kusomea daraja hilo, bali walikuwa wakitoa fedha na kupewa vyeti, jambo ambalo ni kinyume cha sheria. Aidha, katika eneo la Mnazi Mmoja mkoani Lindi, madereva wengine watatu wamekamatwa kwa tuhuma za kughushi vyeti vya vyuo pamoja na kujiongezea madaraja ya leseni ambayo hawana sifa ya kuyaendesha. Madereva hao wamewekwa chini ya ulinzi huku taratibu nyingine za kisheria zikiendelea. Mwambelo amewapongeza madereva wa mabasi wanaozingatia sheria na taratibu za usalama barabarani, akisema madereva wengi waliokaguliwa wamekuwa na leseni halali pamoja na nyaraka nyingine muhimu. Aidha, amesema Jeshi la Polisi limetoa elimu kwa madereva na abiria kuhusu usalama barabarani, hususan umuhimu wa abiria kufunga mikanda, akieleza kuwa hatua hiyo inaweza kupunguza madhara wakati gari linapopata ajali au kuyumba baada ya kukutana na mashimo barabarani. Amewataka madereva ambao hawajasoma vyuoni lakini wamejiongezea madaraja ya leseni kuacha kutumia njia za mkato na kwenda kupata mafunzo rasmi, akisisitiza kuwa hawapaswi kusubiri hadi wakamatwe ndipo sheria ichukue mkondo wake, kwa kuwa kughushi nyaraka ni kosa kubwa kisheria. #ChawamataTV #10KFollowers #Asanteni #DarEsSalaam #Tanzania #Bongo #Habari #HabariLeo #BreakingNewsTZ #TanzaniaNews #BongoUpdates #TzUpdates #TzNews #BongoMedia #MediaTanzania #OnlineTV #TrendingTZ #TanzaniaTrending #ViralTZ #TeamChawamata #SupportLocal #madeintanzania🇹🇿 #madeintanzania🇹🇿 #madeintanzan #madeintanzania #SupportLocal #madeintanzaniat #roadto100followersontwitch #madeintanzaniawith #viraltz

CHAWAMATA TV

Open In TikTok:

Region: TZ

Tuesday 11 August 2026 09:45:51 GMT