📅Post Date: 1866 ယနေ့ မန္တလေးနန်းတော် အစည်းအဝေးအတွင်း အိမ်ရှေ့စံ ကနောင်မင်းသားကြီး လုပ်ကြံခံရပြီး နတ်ရွာစံ လွန်တော်မူကြောင်း ဝမ်းနည်းဖွယ် သတင်းရရှိပါသည်။ အိမ်ရှေ့စံ မင်းသားကြီးသည် နယ်ချဲ့အန္တရာယ်ကို ခုခံရန်နှင့် တိုင်းပြည် ခေတ်မီတိုးတက်စေရန်အတွက် စက်မှုစက်ရုံကြီးများကို တည်ထောင်ကာ ရှေ့ဆုံးမှ ဦးဆောင် ဆောင်ရွက်ခဲ့သူ ဖြစ်ပါသည်။ မင်းသားကြီးသည် ရတနာပုံ မန္တလေးမြို့တော်တွင် မြန်မာ့ပထမဆုံး ဒင်္ဂါးစက်ရုံ၊ အမြောက်စက်ရုံ၊ ယမ်းချက်စက်ရုံ၊ သင်္ဘောစက်ရုံနှင့် သံချက်စက်ရုံ စသည့် ခေတ်မီ စက်ရုံပေါင်း ၅၀ ကျော်ကို စတင်တည်ထောင်ခဲ့သည့်အပြင်၊ စက်မှုနည်းပညာများ တတ်မြောက်စေရန် အင်္ဂလန်၊ ပြင်သစ်နှင့် အီတလီ အစရှိသည့် ဥရောပနိုင်ငံများသို့ နန်းတွင်းလူငယ်များကို ပညာတော်သင် စေလွှတ်ခဲ့ပါသည်။ ထို့ပြင် စက်ရုံများမှ အမြောက်၊ သေနတ်နှင့် ရေမြှုပ်ဗုံးများအထိ ကိုယ်တိုင် တီထွင်ထုတ်လုပ်ရန် အရှိန်အဟုန်မြှင့် ဆောင်ရွက်နေခဲ့သူဖြစ်တာကြောင့် တိုင်းပြည်အတွက်တော့ကြီးမားသောဆုံးရှုံးမှုတစ်ခုပင်ဖြစ်သည်။ သို့သော်လည်း နန်းတွင်းရေး လေ့လာသူအချို့ကမူ မင်းသားကြီး နတ်ရွာစံ လွန်တော်မူခဲ့သော်လည်း တိုင်းပြည်၏ ခေတ်မီ စက်ရုံသစ်များ တည်ဆောက်ရေး စီမံကိန်းများနှင့် စက်မှုဖွံ့ဖြိုးရေးများမှာ စီစဉ်ထားသည့်အတိုင်း ဆက်လက် အဆင်ပြေ ချောမွေ့နေမည်ဟု မျှော်လင့်ရကြောင်းနှင့် တိုင်းပြည် တည်ငြိမ်ရေးအပေါ် တစ်စုံတစ်ရာ ထိခိုက်မှုရှိလာမည် မဟုတ်ကြောင်း သုံးသပ်ထားကြပါသည်။ #historymemes #historytok #burmesehistory #myanmartiktok #nandawindaily - @thamaing.meme