@dowladdahooseeebosaaso: 𝗫𝗼𝗴𝗵𝗮𝘆𝗮𝗵𝗮 𝗗𝗼𝘄𝗹𝗮𝗱𝗱𝗮 𝗛𝗼𝗼𝘀𝗲 𝗲𝗲 𝗕𝗼𝗼𝘀𝗮𝗮𝘀𝗼 𝗼𝗼 𝗞𝗼𝗿𝗺𝗲𝗲𝗿𝗮𝘆 𝗕𝗶𝗹𝗼𝘄𝗴𝗮 𝗗𝗵𝗶𝘀𝗺𝗮𝗵𝗮 𝗪𝗮𝗱𝗱𝗮𝗱𝗮 𝗚𝗮𝗿𝗼𝗼𝗻𝗸𝗮 𝗗𝗶𝘆𝗮𝗮𝗿𝗮𝗱𝗮𝗵𝗮. Xoghayaha Dowladda Hoose ee Degmada Boosaaso, Mudane Maxamuud Cabdullaahi Axmed (Kawte), ayaa maanta kormeeray bilowga dhismaha waddada isku xirta magaalada Boosaaso iyo Garoonka Diyaaradaha, oo maanta si rasmi ah loo bilaabay. Dhismaha waddadan waxaa fulinaysa TTN Construction Company, waxaana Xoghayaha goobta kusoo dhaweeyey Injineerrada shirkadda, iyadoo uu kormeerka ku weheliyey Eng. Cabdiraxmaan Sayid, Madaxa Injineeriyada Dowladda Hoose ee Degmada Boosaaso. Intii uu kormeerku socday, Injineerrada shirkadda ayaa Xoghayaha siiyey warbixin ku saabsan qorshaha dhismaha, habka shaqadu u socoto iyo heerarka farsamo ee lagu fulinayo mashruuca. Dhismaha waddadani wuxuu muhiimad weyn u leeyahay isu socodka magaalada, fududaynta gaadiidka iyo isku xirka Garoonka Diyaaradaha iyo magaalada Boosaaso, iyadoo sidoo kale qayb muhiim ah ka qaadanaysa qurxinta iyo bilicda guud ee magaalada. Xoghayaha Dowladda Hoose Maxamuud Cabdullaahi Axmed (Kawte) ayaa adkeeyey muhiimadda ay leedahay in waddada loo dhiso si waafaqsan heerarka tayada iyo farsamada, isagoo ku boorriyey shirkadda fulinaysa mashruuca in la ilaaliyo tayada shaqada iyo waqtiga loo qorsheeyey dhismaha. Xoghayuhu wuxuu sheegay in Dowladda Hoose ee Boosaaso ay ka go’an tahay horumarinta kaabeyaasha magaalada, tayeynta waddooyinka iyo qurxinta bilicda Boosaaso, si bulshada loogu abuuro deegaan casri ah oo leh adeegyo iyo isku socod wanaagsan. Dowladda Hoose ee Boosaaso ayaa sii wadi doonta dadaallada lagu horumarinayo waddooyinka, bilicda magaalada iyo kaabeyaasha muhiimka ah, iyadoo la xoojinayo wada-shaqaynta shirkadaha iyo dhinacyada kala duwan ee ka qayb qaadanaya horumarinta Boosaaso. #dowladahoosebosaaso #viral #foryoubage #bilowcusub @Abdirahman Abdullahi Ali

Dowladda Hoose ee Bosaaso

Open In TikTok:

Region: SO

Tuesday 11 August 2026 14:20:43 GMT