@salem.alem.media: Нұрай Серікбайдың өліміне қатысты сот отырысында Шерхан Аймахан тергеу изоляторында өзіне күш қолданылып, психологиялық қысым көрсетілгенін мәлімдеді. Оның айтуынша, бұл әрекеттерге өзі танымайтын адамдар қатысқан. Алайда күдікті аталған қысымнан кейін мекеме басшылығына шағым түсірмеген. Осыдан кейін Аймаханның қорғаушылары 13 қаңтар мен 1 мамырда бейнежазбаға түсірілген жауаптарын дәлелдемелер қатарынан алып тастауды сұрады. Сонымен қатар адвокаттар сотталушыға қайтадан психологиялық-психиатриялық сараптама жүргізуді талап етті. Сот Шымкенттегі №69 уақытша ұстау изоляторына тиісті сауал жолдаған. Алайда жауапта Аймаханға қысым көрсетілгенін растайтын деректер анықталмады. Сонымен бірге сот 13 қаңтардағы жауап алу бейнежазбасын дәлелдемелер қатарынан алып тастады. Бұған жауап алу кезінде түсірілген бейнежазба мен тергеуші жасаған хаттама мәтініндегі сәйкессіздіктер себеп болған. Ал қорғау тарапының қалған өтініштері қанағаттандырылмады. 1 мамырдағы Аймаханның жауабы жазылған бейнежазба қылмыстық іс материалдарында қалдырылды. Сондай-ақ сот оған қайтадан психологиялық-психиатриялық сараптама жүргізуден бас тартты.

salem.alem.media

Open In TikTok:

Region: KZ

Tuesday 11 August 2026 15:54:46 GMT