� دجاج بالكاري بالكريمة والخضار 🍛 وصفة غنية بالنكهة، كريمية وبتشهي، ومع الرز بتطلع وجبة كاملة وطيبة كتير 😍 وإذا ما عندكم حليب جوز الهند، فيكم تعملوها بالطريقة اللي عملتها أنا بجوز الهند المبروش. المقادير للدجاج بالكاري: • ¼ كوب زيت نباتي • 1 ملعقة كبيرة زبدة • 1 كيلو صدور دجاج، مقطعة مكعبات • 1½ ملعقة كبيرة كاري • 1 ملعقة كبيرة بودرة مرق الدجاج • ¼ ملعقة صغيرة بابريكا • ¼ ملعقة صغيرة كركم • ¼ ملعقة صغيرة فلفل أسود • ¼ ملعقة صغيرة كزبرة ناشفة • ¼ ملعقة صغيرة كمون • ملح حسب الرغبة • 1 بصلة كبيرة مفرومة ناعم • 2 فص ثوم مبروش • جزر مقطع • فطر طازج أو معلب (أنا استخدمت النوعين) • 1 كوب فلفل ألوان • 1 كوب ذرة • 2 ملعقة كبيرة طحين • 1 ملعقة كبيرة جوز هند مبروش (اختياري، وفيكم تستبدلوه بحليب جوز الهند) • 2 كوب مرق دجاج • 1 ليتر كريمة طبخ (أنا استخدمت كريمة الطبخ البيتية، طريقتها موجودة عندي بالصفحة) للرز: • ½ كوب زيت نباتي • رز حسب عدد الأشخاص (أنا خلطت رز مصري مع بسمتي) • 2 ملعقة كبيرة زبدة • ملح • ماء حسب كمية الرز الطريقة 1 بالطنجرة حطيت الزيت والزبدة، وضفت مكعبات الدجاج وقلبتها ليتغير لونها. 2 ضفت الكاري، بودرة مرق الدجاج، البابريكا، الكركم، الفلفل الأسود، الكزبرة، الكمون والملح، وقلبت الدجاج مع البهارات. 3 ضفت البصلة المفرومة والثوم المبروش وقلبتهم مع بعض. 4 ضفت الجزر، الفطر، ا⁩ الفلفل الألوان والذرة، وقلبت كل المكونات. 5. ضفت الطحين وجوز الهند المبروش وحركت منيح. 6. ضفت مرق الدجاج، غطيت الطنجرة وتركتها تغلي حوالي 10 دقايق. 7. بعدها ضفت كريمة الطبخ وحركت، وتركتها تكمل استواها وتتسبك الصلصة. تحضير الرز حطيت الزيت النباتي بالطنجرة، وضفت الرز بعد غسله وتصفيته، وملحته وضفت الزبدة. ما ضفت بهارات للرز لأن بهارات الكاري بالطبخة كافية وبتعطي نكهة حلوة مع الرز. ضفت الماء لحد ما غمر الرز، وتركته يغلي، بعدها خففت النار وغطيت الطنجرة وتركت الرز يستوي على نار هادية. قدمت الدجاج بالكاري مع الرز… والنتيجة كانت كتير طيبة وكريمية وغنية بالنكهة 🤍🍛 #دجاج_بالكاري #وصفات_دجاج #وصفات_سهلة #اكلات_بيتيه #aklatwafaa⁩ - @aklat_wafaa