دنیا میں کچھ قرض ایسے ہوتے ہیں جنہیں انسان رقم سے ادا کر سکتا ہے۔ کسی سے پیسے لیے، وقت آیا تو واپس کر دیے، حساب ختم۔ مگر انسان کے ساتھ کیا گیا سلوک کسی حساب کی کتاب میں درج نہیں ہوتا کہ چند نوٹ رکھے اور سب برابر ہو گیا۔ کچھ باتیں دل پر قرض بن جاتی ہیں۔ کسی کی ضرورت کے وقت اُسے تنہا چھوڑ دینا، کسی کے خلوص کو معمولی سمجھنا، کسی کی عزت کو مجروح کرنا، یا اُس شخص کے ساتھ ایسا رویہ رکھنا جو تمہارے لیے مخلص تھا... یہ سب ایسے قرض ہیں جن کا کوئی مالی معاوضہ نہیں ہوتا۔ یاد رکھو... پیسہ واپس کیا جا سکتا ہے، مگر وہ وقت واپس نہیں کیا جا سکتا جس میں کسی نے تمہاری وجہ سے خود کو تنہا محسوس کیا ہو۔ انسان اکثر سمجھتا ہے کہ وقت گزرنے کے ساتھ سب کچھ ختم ہو جاتا ہے۔ مگر حقیقت یہ ہے کہ وقت بہت سی چیزیں مٹا دیتا ہے، رویّے نہیں۔ انسان شاید تمہیں معاف کر دے، دوبارہ مسکرا کر بات بھی کر لے، مگر دل کے کسی کونے میں تمہارا دیا ہوا سلوک ہمیشہ محفوظ رہتا ہے۔ اسی لیے لوگوں کے ساتھ ایسا سلوک کرو جسے یاد کرتے ہوئے انہیں تم سے نفرت نہیں، احترام محسوس ہو۔ یاد رکھو... دولت کا قرض اتارنے کے لیے پیسہ چاہیے، مگر رویّوں کا قرض اتارنے کے لیے کردار بدلنا پڑتا ہے۔ آخر میں بات سیدھی ہے... پیسوں کے قرض ختم ہو جاتے ہیں، مگر کسی کے دل پر رکھا ہوا بوجھ آسانی سے نہیں اترتا؛ اس لیے لوگوں کے ساتھ وہی سلوک کرو جس کا قرض پوری زندگی اٹھانے کی ہمت رکھتے ہو۔#faryou #faryoupage #faryoupage #fyp - @_laghari_writes_