@nj555m: غزا الشيخ دهام الهادي الجربا وبلغ شمر بالغزو وكان في ذلك الوقت ثقل جمع شمر هو سنجاره اكثر فريس شمر بالجزيرة هم الفداغه والثابت ولكن لوجود حمايل من سنجاره عند الفدعان خطط الشيخ صعب متعب الحدب معا الشيخ محمد هجر الوتيد بأن يغيرون الغزو وتنسحب سنجاره من الغزو وبعد انسحاب سنجاره الجربا شاف مامعه غير الخرصه ماهم كثير وارسل لابو وتيد مرتين وثلاث لين الحدب ارسل له اشاره يجي وجاء وقاله دهام : ياحيفك ياخو دليل ياحيفك والله ، يمار انت زعلت قبلك اخاف صارت على خاطرك اني حطيت الراي بيد الحدب ( قبل الغزو بيوم اجتمعت شمر عند دهام وقالوا الراي عند الحدب بيت اليونس اهل حظ وبخت رايهم سديد ) قال ابوتيد : لا لا يادهام الحدب انا وياه متفقين من حدرنا من مخضبات نجد رايي هو رايه ورايه هو رايي ، لكن يادهام مو هذا اللي مزعلن ، قال دهام : وش مزعلك ، قال ابوتيد : اللي مزعلن ماحنا المطرين باسمه يفرح بمصيبة اهله الفدعانيات لهن عطيط والوّلد متشابكه بينهم المهيد والغبين والدفان مايرفع ظهره وحنا نجي نستغل الفرصه حنا غلباء حنا الطنايا ماحنا ضعوف ، قال دهام : وش تبي يابو وتيد ، قال ابو وتيد : ابي صلح نعرض الوجه بين الجمعين اللي يمتنع هذا صديقنا واللي مايمتنع نصلقه عليه حنا وقبيله عليه وناخذه جحاح ، قال دهام : شورك والهدا ، وبعد وصول شمر ديار الفدعان طلع صعب الحدب وعزل فرسان الثابت ويعرض قدام الجموع ويصيح جدعا جدعا وقال ابو وتيد حركة صعب هذي ماهي حركة رحمانيه ، وطلب دهام الفدعان الوجه واللي يمتنع عن الوجه اصلقه انا وقبيله الاخر ، واستبشروا خير الفدعان بالكلام وكتب الله عز وجل ان يكون الصلح بين عنزه بفضلٍ من الله ثم دهام الهادي الجربا الواجهه بالحدث هذا ، ويعود الفضل الاكبر للشيوخ صعب الحدب ومحمد الوتيد بحنكة عرب #شمر #سنجاره #الثابت #fyp #اكسبلور

فاضِـل آلثابتي | راع الجدعا

Open In TikTok:

Region: SA

Tuesday 11 August 2026 19:24:07 GMT