@ahmedhamdy3604: عيالي كلهم راحوا يا سعادة البيه.. آدم، ورضا، والسيد، ومحمد، وعيد، وأحمد.. 6 إخوات راحت أرواحهم في ثانية.. بيتي اتخرب وخلي من حسهم يا بيه!"💔💔 على طريق "الدواوديس" الملعون في الإسماعيلية، وفي غمضة عين، الشارع اتحول لمذبحة والأسفلت اترمخ بدم الغلابة.. مش حادثة عادية، دي كارثة كسرِت ضهر بلد كاملة! أكتر من 17 عامل ماتوا وهم بيجروا على أكل عيشهم، وفوق الـ 30 مصاب بجراح تفرك القلب بيصارعوا الموت في المستشفيات! ناس خرجت تجيب القرش بالحلال، رجعت لأهاليها جثث متفحمة ومرمية في أكياس سودا! بدل ما يرجعوا ومعاهم رزق اليوم، رجعت أجسادهم مكسرة ومطفية! بس المصيبة اللي تهد جبال وتخلي الحجر يبكي دم، هي قهرة الأب ده.. تخيل أب واقف على رجليه بالعافية، دموعه نازلة تحرق وشّه، وإيده بتترعش وهو بيملي أسماء جثامين ولاده عشان يستلمهم يدفنهم بإيده! مش ابن ولا اتنين.. 6 إخوات من ظهر راجل واحد ماتوا مع بعض في لحظة واحدة! بأعلى صوته وبوجع يهد الروح بيصرخ💔💔 "عيالي كلهم راحوا يا سعادة البيه.. آدم، ورضا، والسيد، ومحمد، وعيد، وأحمد.. 6 إخوات راحت أرواحهم في ثانية.. بيتي اتخرب وخلي من حسهم يا بيه!" أي قلب يقدر يشيل وجع زي ده؟! أي أم تقدر تعيش بعد ما تدفن 6 من عيالها في يوم واحد؟! دي مش مجرد حادثة، ده دبح للقلوب وقهرة للرجالة، ده بيت كامل اتمحى من الوجود في لحظة طيش وإهمال! 17 عيلة النهاردة اتيتمت أطفالها، 17 بيت اتقفل بابهم وماتت ضحكتهم، و17 أم بتقطع في هدومها من الهول! ولا ملايين الدنيا ولا قرارات المساعدات هترجع ضحكة ولد لأمه، ولا هتطفي النار اللي بتاكل في صدر الأب المقهور ده! يا رب إن كان الوجع أكبر من طاقتهم، فأنزل على قلوبهم صبر من عندك يربط على عقولهم قبل ما يتجننوا من الهول.. صبرا والله إن موعدكم الجنه وهذا وعد الله ارحمهم برحمتك التي وسعت كل شيء، واشفِ المصابين، وإنا لله وإنا إليه راجعون!❤️‍🩹🤲 #حادث_الإسماعليه 💔 #مصر_طريق_الدواويس_الإسماعليه

أنا إبن مــ𓁳𓆃ـصــ𓅮ـــر 🇪🇬

Open In TikTok:

Region: EG

Tuesday 11 August 2026 20:22:38 GMT