கல்முனை வடக்கு ஆதார வைத்தியசாலையில், ஆடை விவகாரம் ஒன்றை வைத்து, ஒரு பிரச்சினை தோற்றுவிக்கப்பட்டுள்ளதை அறிவீர்கள். இந்த ஆடை விவகாரத்தை ’கணிசமானோர் தவறாகப் புரிந்து கொண்டுள்ளார்கள் என்றும், இதனை சற்று விளங்கும் படி எழுதுமாறும்' சிலர் கேட்டுக் கொண்டார்கள். சுகாதார உதவியாளராக புதிதாய் நியனம் பெற்றுச் சென்ற முஸ்லிம் பெண்கள் - 'கலாசார ஆடை அணிந்திருந்ததால்' அவர்களுக்கு கடமையேற்க அனுமதி வழங்கப்படவில்லை என்று பலரும், இந்த விடயம் குறித்து எழுதி வருகின்றனர். போதாக்குறைக்கு அவர்கள் 'பர்தா' அணிந்து சென்றதாகவும் குறிப்பிட்டிருந்தனர். இதனைப் படித்த கணிசமானோர்; 'கறுப்பு நிற ஹபாயாவும், முகத்தை மூடிக்கொண்டு புர்காவும்' அணிந்து சென்ற போதுதான், அவர்கள் கடமையேற்காமல் தடுக்கப்பட்டார் என, எண்ணிக் கொண்டனர். நேர்மையாகச் சொன்னால், சுகாதார உதவியாளராக பணியாற்றும் ஒரு பெண், அவ்வாறு 'ஹபாயா+புர்கா' ஆடை அணிவதற்கு அனுமதிக்கவும் முடியாது. 🔴 அப்படியென்றால் என்னதான் அங்கு நடந்தது? சுகாதார உதவியாளர்களாகப் பணியாற்றும் பெண்களுக்கென்று - ஓர் சீருடை இருக்கிறது. அதை கட்டாயம் அணிந்துதான் ஆக வேண்டும். அதில் மாற்றுக் கருத்தில்லை. அந்தச் சீருடையை இலகுவாகப் புரிந்து கொள்ளும் படி சொல்வதென்றால்; 'முழங்கால் வரை நீளமும், கொலரும் வைத்த ஒரு அரைக்கைச் சட்டை' என்று குறிப்பிடலாம். சுகதார உதவியாளர்களாகப் பணியாற்றும் - சிங்கள மற்றும் தமிழ் பெண்கள், இந்த வகை 'சட்டை'யைத்தான் அணிந்து கடமையாற்றுகின்றனர். ஆனால், முஸ்லிம் பெண்கள் உடலை முழுமையாக மறைத்து ஆடை அணிபவர்கள் என்பதால், அவர்களுக்கு இந்த வகை சட்டை 'மட்டும்' பொருந்தாது. எனவே, அவர்கள் தங்களின் சீருடையான வெள்ளை நிறச் சட்டையை அணிந்து, அதற்கு மேலதிகமாக கால்களை மறைக்கும் படி வெள்ளை நிற ஜீன்ஸ் அணிகிறார்கள், தலை மற்றும் மார்பை மறைக்கும் படி 'ஸ்கார்ப்ஃப்' அணிகிறார்கள். மேட்டர் இவ்வளவுதான். இதைத்தான் 'கலாசார ஆடை'யென்று பலரும் எழுதுகிறார்கள். அந்த எழுத்துக்களை வைத்து, அது - 'ஹபாயாவும் பர்தாவுமாக இருக்குமாக்கும்' என்று சிலர் புரிந்து வைத்திருக்கிறார்கள். இப்படி, சீருடைடை அணிந்து அதற்கு மேலதிகமாக, ஒரு சமூகம் தனது கலாசாரம் மற்றும் நம்பிக்கைக்கு ஏற்ப இன்னும் சில ஆடைகளைச் சேர்த்து அணிவதற்கு, அரசியலமைப்பிலும் உரிமை வழங்கப்பட்டுள்ளது. சுற்றறிக்கைகளிலும் அனுமதி வழங்கப்பட்டிருக்கிறது. அண்மையில், சுகாதார அமைச்சர் நளிந்த ஜெயதிஸ்ஸவும்; முஸ்லிம் பெண்கள் அவ்வாறு ஆடை அணிய முடியும் என்று கூறியிருந்தார். ஒரு தமிழ் பெண் கூட, தனது மார்பையும் கால்களையும் மறைக்க வேண்டுமென்று விரும்பினால், அவரும் தனது சீருடையுடன் மேலதிகமான ஆடை அணியலாம். அந்த உரிமை அவருக்கும் உள்ளது. ஏராளமான வைத்தியசாலைகளில் முஸ்லிம் பெண்கள் தங்கள் சீருடைக்கு மேலதிகமாக - இவ்வாறு தலை மற்றும் மார்பை மறைத்து ஸ்கார்ப்ஃப் அணிந்தும், கால்களை மறைத்து ஜீன்ஸ் அணிந்தும் பணியாற்றுகின்றனர். அவர்களுக்கு அங்கு எந்தவித நிர்வாக எதிர்ப்புகளும் எழுந்ததில்லை. ஆனால், கல்முனை வடக்கு ஆதார வைத்தியசாலையில் இந்த விவகாரத்தை வேண்டுமென்றே பிரச்சினையாக்கி உள்ளார்கள். அது அப்பட்டமான ஓர் ஓர் இனவாத நடவடிக்கையாகும். அங்குள்ள மண்டைக் கோளாறுகள்தான் - சும்மா கிடந்த சங்கை ஊதிக் கெடுத்திருக்கிறார்கள். மறுபுறமாக, இந்த விடயத்தை விளங்கிக் கொள்ளாத முஸ்லிம்கள் சிலரும் மண்டைக் கோளாறுத்தனமாக; "எங்கள் பெண்கள் கலாசார ஆடை அணிவதற்கு, தழிழர்கள் எதிர்ப்புத் தெரிவித்தால், தமிழர்களும் பொட்டு வைத்து, திருநீறு வைத்து, கையில் நூல் கட்டிக் கொண்டு கடமைக்கு வரக்கூடாது” என்று பிதற்றிக் கொண்டு திரியுதுகள். ஒட்டுமொத்தமாக, அனைத்து சமூகத்திலுமுள்ள 'மண்டைக் கோளாறுகள்'தான் இவ்வாறான பிரச்சினைகளுக்கு எண்ணெய் ஊற்றிக் கொண்டிருக்கிறார்கள். #kalmumainorthhospital #dress #uniform #humanrights #மண்டைக்கோளாறுகள் - @mr.bell03.24