@lpbbanhaao: ບັນຍາກາດແຫ່ງຄວາມຄຶກຄື້ນ ທີ່ຍຶ່ງຄານຫຼວງພະບາງ ກຳລັງຈະກັບມາອີກຄັ້ງ. ບຸນຊ່ວງເຮືອ ເດືອນ 9 ຫໍ່ເຂົ້າປະດັບດິນ ທີ່ຍຶ່ງຄານຫຼວງພະບາງ ຖືເປັນປະເພນີ ທີ່ໄດ້ປະຕິບັດກັນມາ ເປັນເວລາດົນນານ ຊ່ວງເຮືອ ທີ່ຍຶ່ງຄານ ບໍ່ແມ່ນພຽງການແຂ່ງຂັນດ້ານກິລາ ແຕ່ຍັງເປັນການປະຕິບັດຂະນົບທຳນຽມ ໃນການບູຊາກາບໄຫວ້ ສິ່ງສັກສິດທີ່ປົກປັກຮັກສານ່ານນ້ຳ ກໍຄື ພະຍານາກ ຕາມຄວາມເຊື່ອທີ່ຖືກເລົ່າຂານກັນມາ .....ໃນເມື່ອກ່ອນ ການແຂ່ງຂັນເຮືອຊ່ວງ ແມ່ນຍັງເປັນວົງແຄບ ກໍຄືເປັນການແຂ່ງຂັນລະຫວ່າງບ້ານ-ເມືອງ ພາຍໃນແຂວງຫຼວງພະບາງ ການແຂ່ງຂັນເຮືອຊ່ວງ ຖືເປັນທີ່ນິຍົມມາແຕ່ເຫິງນານ ເປັນສຶກແຫ່ງກຽດສັກສີ ທີ່ບົ່ງບອກເຖິງພາລະກຳລັງ ແລະ ຄວາມແຂງແຮງ ຂອງຊາວໜຸ່ມໃນແຕ່ລະບ້ານ ເປັນຊ່ວງໄລຍະທີ່ບົ່ງບອກໃຫ້ເຫັນເຖິງຄວາມສາມັກຄີ ຂອງປວງຊົນທັງບ້ານ ເພາະນອກຈາກສີພາຍ ທີ່ຕ້ອງສາມັກຄີ ສຸມພາລະກຳລັງແລ້ວ ບັນດາກອງຊົມກອງເຊຍຂອງແຕ່ລະບ້ານ ຕ່າງກໍພາກັນ ຂົນຂວາຍວັດຖຸອຸປະກອນ ເຂົ້ານໍ້າຊໍ້າປາ ໝໍ້ແຫກແຕກກະໂປະ ເພື່ອມາຮ່ວມຊົມຮ່ວມເຊຍ ຕິດຝັ່ງແມ່ນນ້ໍາ ຢ່າງມ່ວນຊື່ນລື່ນເລີງ. ມາຮອດປັດຈຸບັນ ການແຂ່ງຂັນ ໄດ້ເປີດກວ້າງ ເພາະນອກຈາກສີພາຍ ພາຍໃນແຂວງແລ້ວ ຍັງໄດ້ມີການເຊື້ອເຊີນສີພາຍຈາກແຂວງອ້ອມຂ້າງ ກ້າວໄປເຖິງປະເທດໃກ້ຄຽງ ເພື່ອເພີ່ມສີສັນ ແລະ ເປັນການດຶງດູດນັກທ່ອງທ່ຽວ ທັງພາຍໃນ ແລະ ຕ່າງປະເທດ ນຳອີກ. ສະໜາມຫຼວງພະບາງ ກໍຄືຍຶ່ງຄານ ຖືກຍົກໃຫ້ເປັນ ສະໜາມປາບຊຽນ ທີ່ທາງສີພາຍ ແລະ ຜູ້ຊົມ ຕ່າງກໍລຸ້ນລະທຶກ ແລະ ຄາດເດົາຜົນໄດ້ຍາກ ເພາະນອກຈາກຄວາມເຂັ້ມແຂງດ້ານພາລະກຳລັງແລ້ວ ກໍຍັງຕ້ອງເພິ່ງໂຊກຊະຕາ ທີ່ຈະນຳພາໄປສູ່ແລວນ້ຳທີ່ຖືກລ່ອງ. ໃນປີ 2026 ການແຂ່ງຂັນ ແມ່ນຖືກຍົກບະດັບຂຶ້ນອີກ ເພາະການແຂ່ງຂັນແມ່ນແບ່ງອອກເປັນ 2 ປະເພດ ກໍຄື ເຮືອປະເພນີ ແລະ ເຮືອກິລາ....ມາລຸ້ນນຳກັນວ່າ ເຮືອລຳໃດຈະເປັນ ລຳສຸດຍອດ ຍາດໄດ້ໄຊຊະນະ ຂອງແຕ່ລະປະເພດ ເປັນເຈົ້າໜ້ານ້ຳ ແຫ່ງຍຶ່ງຄານ ປີ 2026. #visitlaos #luangprabang #boatracing #trending #tiktok

LPBbanhaao

Open In TikTok:

Region: LA

Wednesday 12 August 2026 04:04:33 GMT