Ауылымыздың ардақты азаматы, мал шаруашылығымен айналысып, ұлттық дәстүрді дәріптеп жүрген Ардақ ағамыздың шаңырағында ауылымыздың қадірлі қонақтары – Германияның Мюнхен қаласынан келген Мұстафа Өзтүрік ағамыздың қызы Неслихан Өзтүрік және Түркияның Ыстамбұл қаласынан келген Мұстафа Өзтүрік ағамыздың қарындастары Перихан Өзтүрік, Күнай Өзтүрік, Хамит Байрам жезделерімізбен қонақта болдық. Ағамыз бен жеңгеміз бізді ақ көңіл, жылы қабақпен қарсы алып, қазақтың дархан қонақжайлығын көрсетті. Дәмі тіл үйірген ауылдың табиғи тағамдарынан ауыз тиіп, кең даланың ауасымен тыныстадық. Атқа мініп, сайын далада серуендеп, нағыз қазақтың жаны жай табатын ерекше демалыстың куәсі болдық. Бұған қоса, Ардақ ағамыздың ақындық, әншілік өнеріне де тамашаладық. Ән мен жыр, ат пен дала, ақ дастархан мен ақ көңіл — осының бәрі жүректе ерекше әсер қалдырды. Ардақ аға, жеңгей, сіздерге шын жүректен алғысымды білдіремін. Қонақжай көңілдеріңізге, ақ дастархандарыңызға, сый-құрметтеріңізге мың алғыс! Шаңырақтарыңыздан береке кетпесін, ырыс-несібелеріңіз арта берсін! Дендеріңізге саулық, отбасыларыңызға амандық, еңбектеріңізге береке тілеймін. Ақ дастархандарыңыз әрдайым жайылып, төрлеріңізден қонақ, жүректеріңізден қуаныш үзілмесін. Елге сыйлы, ағайынға қадірлі болып, осындай дархан көңілдеріңізбен аман-есен жүре беріңіздер! 🤍 - @gaukhar_zhangalieva