@alkrtaom: إسم الأغنية : جبل مرة كلمات وألحان الراحل فنان الفنانين : خليل اسماعيل ◇$♡♤#■□●@○ لو شفت مرة جبل مرة يعاودك حنين طول السنين تتمنى تاني تشوفو مرة لو شفت مرة جبل مرة *** * * *** ** * *** * ** لو شفتو تنسى هموم عمر بين المناااظر والزهر تعيشا لحظات نادرة حلوة وكل شئ حولك يسر تحس يا دوبك اتولدت وغير ما تدري اليوم يمر *** * * *** ** * *** * ** في سوني بشرق الجبل تشعر كأنك جوه جنة سوني العروس في كرنفال مزدانة في روعة ونضار عالم عجيب وجمال سحرنا أنواع شجر وألوان زهور جات طالة من قلب الصخور أسراب طيور تجلي السرور والناس تقول مرحب أهلنا في سوني شلالا الجميل يسكب زلال يسقي الحقول ورزاز يزيل حُزن المُعنّى في طريقنا لغرب الجبل فرحين نسينا الساعة كم شاهدنا اريل في الملم يسقي القلوب يمحى الألم حيانا خلسة وابتسم نسانا روحنا وألف هم خلانا مشدوهين نعاين توهنا في زحمة نعم *** * * *** ** * *** * ** في نيرتتي وفي مرتجلُ وفي قلول أنا أوصف وعن ايه أقول أقول نسيم عليل يطاردو عبير زهر اقول دي شلالات عظيمة وكابة في طول الدهر أوصف جداول جارية تستعجل عشان تسقي الثمر أوصف صنوبر بهجة تتمايل يقين منو الشجر أقول محاسن الدنيا جات مجتمعة في ساحة سمر بس ايه أقول في بهجة الوانا وجمال لوحات يتوه فيها البصر أقول لقيت فوق الجبل أشياء تفوق وصف البشر أحسن براك تمشي وتعيش في حقيقة أصدق من صور كل السرور ده وإنت فوق جنب الكواكب والقمر على قمة تبعد ارتفاع آلاف قدم فوق البحر أقول سنيني العشتهم قبال أشوف مرة الجبل كانت رتيبة وما بتسر زي السجين وأصبحت حر وأقول كمان كااانت ضياع شقى وكدر وخسار عمر أنا مالي ما قادر أقول واوصل أقول كده في الشعر أنا تاني راجع للجبل راجع أعيد لحظات عمر لحظات سعيدة وراسخة في أعماقي لي أبد الدهر *** * * *** ** * *** * ** لو شفت مرة جبل مرة يعاودك حنين طول السنين تتمنى تاني تشوفو مرة لو شفت مرة جبل مرة
