@.51560005: كلنا شهدنا فاجعة الإسماعيلية والـ 18 عامل اللي راحوا في ثانية ، وأنا وقتها مقدرتش أتكلم عن الحادث وأوجع قلوبكم أكتر من كده.. لكن من وقت ما عرفت إن 6 إخوات من نفس البيت، من نفس الأب والأم، كلهم ماتوا، وأنا مش قادر أتجاوز الخبر ده.. من أصل ١٨ فقيد.. ٦ كانوا من بيت واحد! طب الأسر اللي مات لها عيل واحد اتوجعت ، واللي مات لهم اتنين قلوبهم اتكسرت.. طب والي مات له 6 من أولاده في لحظة واحدة.. يعمل إيه؟! 6 من زينة شباب بلدنا.. إخوات اتربوا سوا، وعاشوا سوا، حتي سعيهم على لقمة العيش الحلال كانوا فيها سوا.. وفي النهاية حتي الموت مقدرش يفرقهم عن بعض وماتوا سوا خرجوا امبارح زي كل يوم.. يمكن كانوا بيتكلموا ويضحكوا ويخططوا هيرجعوا يعملوا إيه بعد الشغل لكن المرة دي.. ما رجعوش. الستة رجعوا في نعوش.. يا وجع قلب أهلهم وهم مستنيين صوت المفتاح على الباب، بدل ما يستقبلوا 6 إخوات راجعين من شغلهم، استقبلوا خبر هو الأفجع مفيش بني أدم ربنا خلقه يقدر يتحمله مهما كان قوي اللهم ارحم الأشقاء الستة رحمة واسعة، واغفر لهم وأسكنهم فسيح جناتك، واجمعهم في جناتك كما جمعتهم في الدنيا. اللهم اربط على قلوب أهلهم وارزقهم الصبر والقوة على هذا الفقد الذي لا يُحتمل 🤲🏻💔 إنا لله وإنا إليه راجعون

محـمد _ المملكة السوهاجية🦅🚬®

Open In TikTok:

Region: EG

Wednesday 12 August 2026 19:40:16 GMT