🔷တနင်္ဂနွေသားသမီး ၇ နှစ်၊ ၁၅ နှစ်၊ ၂၃ နှစ်၊ ၃၁ နှစ်၊ ၃၉ နှစ်၊ ၄၇ နှစ်၊ ၅၅ နှစ်၊ ၆၃ နှစ် ၇၁ နှစ်၊ ၇၉ နှစ်၊ ၈၇ နှစ်၊ ၉၅ နှစ်၊ ၁၀၃ နှစ် 🔷တနင်္ဂနွေသားသမီးတွေဟာ အထက်ကဖော်ပြထားတဲ့ အသက်ပိုင်းတွေမှာ အောက်ပါအဖြစ်အပျက်များ ကြုံတွေ့ရတတ်ပါတယ်။ 🔷ဒီနှစ်ဟာ တခြားနှစ်နဲ့မတူဘူး။ ကိုယ့်ကို မလေးစားတဲ့လူတွေကတောင် ကြည်ညိုလေးစားလာတတ်ကြတယ်။ ဒီနှစ်ဟာ ကံကောင်းတဲ့နှစ်လို့ ဆိုရလိမ့်မယ်။ 🔷ကိုယ်က ဖြစ်သလို ဝတ်စားတာကို ဘေးလူက ကြည့်လို့ကောင်းနေတတ်တယ်။ 🔷ထမင်းစားတဲ့အခါလည်း ဟင်းကောင်းဖို့မလိုဘူး။ ဘာနဲ့ပဲ စားရစားရ ထမင်းမြိန်နေတတ်တယ်။ ကံကောင်းနေပြီကိုး။ 🔷ကိုယ်က တစ်လွဲအကြံပေးလိုက်တယ်။ လုပ်တဲ့သူကလည်း လိုက်ပြီးလုပ်တယ်။ သူဟာနဲ့သူ အပေါက်အလမ်းတည့်သွားတယ်။ အဲဒီမှာ ကိုယ့်ကို ကျေးဇူးတင်တော့တာပါပဲ။ ကံကောင်းနေတော့လည်း ပြောတိုင်းဖြစ်တာပေါ့လေ။ 🔷ကိုယ်က အလုပ်လုပ်ချင်တယ်။ ကိုယ့်မှာ ငွေမရှိဘူး။ ငွေရှိတဲ့လူက သူ့ငွေတွေကို ယူပြီးလုပ်ပါ။ ပေးချင်တဲ့အခါမှ ပြန်ပြီးပေးပါဆိုပြီး ငွေထုပ်ကို လာပြီးအပ်တတ်တယ်။ ကံကောင်းနေတာကိုး။ 🔷သေမလောက်ရောဂါခံနေရသူကို ကိုယ်က ကြားဖူးတဲ့ဆေးမြှီးတိုလေး ပေးလိုက်တယ်။ သူကလည်း ယုံကြည်စွာနဲ့သောက်လိုက်တယ်။ အဲဒီမှာ ရောဂါပျောက်သွားတယ်။ ကိုယ့်ကိုလည်း ဇီဝကလောက်ထင်သွားတယ်။ ကံကောင်းနေတာကိုး။ 🔷လုပ်ငန်းသစ်တွေ စရတတ်တယ်။ မမျှော်လင့်တဲ့ဆီက ငွေတွေဝင်လာတတ်တယ်။ ဆုံးပြီလို့ထင်တဲ့ငွေတွေ ပြန်ရတတ်တယ်။ အလုပ်တွေ အကျိုးပေးတတ်တယ်။ ဘုရားဆင်းတုတော်တွေ၊ ဘုရားပုံတော်တွေ အိမ်ကို ကြွလာတတ်တယ်။ 🔷အထူးမှာကြားချက် တနင်္ဂနွေသားသမီး မည်သူမဆို အသက် (၃၁)နှစ်၊ (၃၉)နှစ်၊ (၄၇)နှစ်အရွယ်တို့တွင် ပစ္စည်းဥစ္စာများ ဆုံးရှုံးခြင်း၊ ရက်စက်စွာထိခိုက်ခြင်း၊ ရင်းနှီးသော ဆွေမျိုးသားချင်း သေဆုံးခြင်း၊ အိုးအိမ်နေရာထိုင်ခင်းများ အခက်အခဲကြုံခြင်းများ ဖြစ်တတ်ပါတယ်။ အထူးသတိပြုပါ။ ဖြစ်နိုင်လျှင် ရိပ်သာတစ်ခု၌ အနည်းဆုံး (၄၉)ရက် တရားစခန်း ဝင်ပါလေ။ ထိုသို့ပြုလုပ်လျှင် ထိုအန္တရာယ်များမှ လွတ်ကင်းနိုင်ပါလိမ့်မည်။ ထို့ပြင် တစ်ခုသော ဗုဒ္ဓဟူးနေ့ ညနေ (၃)နာရီတွင် ဘုရားစင်ရှေ့တွင် စားပွဲတစ်လုံးခင်းပါ။ ထိုစားပွဲပေါ်တွင် ဖန်ခွက်တင်ပါ။ ထိုဖန်ခွက်ထဲတွင် ကတက်ညွန့် (၇) ညွန့်ထည့်ပြီး အထက်ကဖော်ပြခဲ့သော ဘေးဥပါဒ်များကင်းဝေးစေရန် လေးလေးနက်နက် ဆုတောင်းပါ။ 🔷တစ်ခုအကြံပေးချင်တာက ဒီလိုကံကောင်းတဲ့နှစ်မှာ ကိုယ့်အလုပ် ကိုယ်ကြိုးစားပြီးလုပ်ပါ။ ဘယ်အသင်းအဖွဲ့မှ မဝင်ပါနဲ့။ အချိန်ဖြုန်းသလို လုပ်ရတဲ့ ခကျားထိုးတာတို့၊ ချက်ထိုးတာတို့၊ ဘောလုံးပွဲကြည့်တာတို့ မလုပ်ပါနဲ့။ မုချ ချမ်းသာမယ့်နှစ်ဖြစ်တယ်။ ကြိုးစားရင် ကြိုးစားသလောက် အကျိုးရှိမှာ ဖြစ်တယ်။ 🔷အလွန်ကောင်းတဲ့ သတင်းတစ်ခုကြားရတတ်ပါတယ်။ လူချစ်လူခင်များမယ့်နှစ်လည်း ဖြစ်တယ်။ အလှူလုပ်ရတတ်တယ်။ လုပ်ရမယ့် အလှူကလည်း ရည်ရွယ်တုန်းကသေးသေး တကယ်လုပ်တော့ ကြီးသွားလိမ့်မယ်။ 🔷ဒီနှစ်ထဲမှာ ဆိတ်သားဟင်းရှောင်ထားပါ။ ကားပိုင်မရှိသေးရင်တော့ ကားပိုင်ရလိမ့်မယ်။ ပထမရတဲ့ကားကတော့ မကြာခဏပျက်လိမ့်မယ်။ အဲဒီပျက်တဲ့ကားကို လဲပြီး နောက်ရမယ့် ကားကျမှ အကောင်းစီးရမှာနော်။ ကားရှိပြီးသားဆိုရင်တော့ ကားသစ်ရပြီဆိုပြီး သိပ်လည်း ပျော်မနေနဲ့ဦး။ ဘေးမှာ ပွတ်တိုက်ထားတဲ့ ဒဏ်ရာရှိတယ်။ 🔷ဘာပဲဖြစ်ဖြစ် ဒီနှစ်မှာ သင်ဟာ ချမ်းသာမှာပါပဲ။ အိမ်ထောင်ရေးနဲ့ ပတ်သက်သော ပြဿနာများ ကြုံရတတ်ပါတယ်။ ငွေကုန်ကြေးကျ များခြင်း၊ ရသောငွေ မမြဲခြင်းများ ကြုံရတတ်ပါတယ်။ 🔷ယတြာ မိတ်ဆွေ ဒီနှစ်မှာ အတော်ကို ကံကောင်းနေပြီပဲ။ ဒါပေမယ့် မပြောပလောက်တဲ့ အညံ့အခိုက်တွေလည်း ရှိတာပေါ့။ အဲဒါလေးတွေ ပြေပျောက်သွားဖို့အတွက် စေတီတော်တစ်ဆူဆူမှာ ယပ်သက်စေ့လှူလိုက်ပါ။ ရေသက်စေ့ သပ္ပါယ်ပါ။ ရုပ်ပွားတော်ရဲ့ ရင်ဘတ်တော်မှာ ရွှေ (၁၂)ပြားချပါ။ လောကဝိဒူ ဂုဏ်တော်ကို အဓိဋ္ဌာန်နဲ့ စိတ်ပေးပါ။ 🔷ရွှေထီး (၂)လက်ကို ဘုရားမှာ ကြာက်ခြေခတ်လှူလိုက်ပါ။ ကြာပန်းအဖြူရောင် လှူပါ။ အဲဒီလို လှူလိုက်မယ်ဆိုရင် အညံ့အခိုက်တွေဟာ ပြေပျောက်သွားမှာပါပဲ။ ဘာပဲဖြစ်ဖြစ် ဒီနှစ်ဟာ အတော်ကို ကံကောင်းတဲ့နှစ်ဖြစ်ပါတယ်။ မင်္ဂလာရှိသောနေ့ရက်တိုင်းကိုပိုင်ဆိုင်နိုင်ကြပါစေ #Credit - @daw.nanyinyin