ဘယ်လောက်ပဲ ကိုယ့်ဘက်က မေတ္တာစစ်နဲ့ ချစ်ပေးနေပါစေ . . . ကိုယ့်လက်ထဲမှာ ပေးစရာဆိုလို့ ရိုးသားတဲ့နှလုံးသားတစ်စုံနဲ့ သစ္စာတစ်ခုလောက်ပဲ ရှိနေတဲ့အခါ၊ အဲဒီမေတ္တာက တစ်ခါတလေ တန်ဖိုးမရှိသလို ဖြစ်သွားတတ်ပါတယ်။ ဘာလို့လဲဆိုတော့ မေတ္တာနဲ့ ငွေကြေးကို တစ်ဖက်တစ်ချက် ချိန်ခွင်ပေါ်တင်ပြီး ရွေးချယ်ရတဲ့အချိန်မှာ လူတိုင်းက မေတ္တာကိုပဲ ရွေးချယ်ကြတာ မဟုတ်လို့ပါပဲ။ ကိုယ်က သူ့အတွက် အချိန်ပေးခဲ့တယ်။ အခက်အခဲတိုင်းမှာ အနားမှာ အတူရှိပေးခဲ့တယ်။ ဘာမှမရှိတဲ့အချိန်မှာတောင် လက်မလွှတ်ခဲ့ဘူး။ သူ့ဘက်က မပြည့်စုံတာတွေကိုတောင် နားလည်ပေးခဲ့တယ်။ ဒါပေမဲ့ . . . တစ်နေ့မှာ ကိုယ့်မေတ္တာနဲ့ သူများပေးနိုင်တဲ့ ငွေကြေးဥစ္စာကို ယှဉ်ကြည့်လိုက်တဲ့အခါ ကိုယ့်ရဲ့နှစ်ပေါင်းများစွာ ပေးဆပ်ပြီးချစ်ခဲ့တဲ့မေတ္တာတွေက ရွေးချယ်စရာစာရင်းထဲမှာတောင် မပါတော့တာမျိုး ရှိတတ်ပါတယ်။ အဲဒီအချိန်မှာ နာကျင်ရတာက “သူက ငွေကိုရွေးသွားလို့”ဆိုတာ တစ်ခုတည်း မဟုတ်ပါဘူး။ ကိုယ်က မေတ္တာနဲ့ပေးခဲ့သမျှဟာ ငွေကြေးတစ်ခုရှေ့မှာ အလွယ်တကူ ငြင်းပယ်ခံလိုက်ရတာကို သိလိုက်ရလို့ပါ။ တကယ်တော့ မေတ္တာစစ်ဟာ ဈေးနှုန်းတပ်လို့မရပါဘူး။ ဒါပေမဲ့ ဘဝမှာ ဈေးနှုန်းမတပ်နိုင်တဲ့အရာတွေကိုတောင် ငွေကြေးနဲ့ တန်ဖိုးဖြတ်ခံရတဲ့အချိန်တွေ ရှိနေတတ်ပါတယ်။ ကိုယ်က ဘယ်လောက်ပဲ ချစ်ချစ်၊ ဘယ်လောက်ပဲ သစ္စာရှိရှိ၊ ဘယ်လောက်ပဲ အကောင်းဆုံးဖြစ်အောင် ကြိုးစားပေးကြိုးစားပေး . . . ကိုယ့်မှာ ငွေကြေးဥစ္စာမရှိတဲ့အခါ တစ်ချို့လူတွေရဲ့မျက်လုံးထဲမှာ ကိုယ်ဟာ အရေးမပါတဲ့လူတစ်ယောက် ဖြစ်သွားတတ်ပါတယ်။ အဲဒီအခါ မေတ္တာစစ်ရှိတဲ့သူကပဲ မျက်နှာငယ်ရတယ်။ ကိုယ်က သူ့ကို မချစ်လို့မဟုတ်ဘူး။ ကိုယ်က မကောင်းလို့မဟုတ်ဘူး။ ကိုယ့်မေတ္တာက အတုဖြစ်လို့လည်း မဟုတ်ဘူး။ ကိုယ့်မှာ သူများနဲ့ ယှဉ်နိုင်တဲ့ ငွေကြေးမရှိတာတစ်ခုတည်းကြောင့်ပါပဲ။ ဒါကြောင့် တစ်ခါတလေ “မေတ္တာစစ်ရှိရင် လုံလောက်ပြီ” ဆိုတဲ့စကားကို ကြားရတဲ့အခါ ပြုံးမိတယ်။ လုံလောက်တာက နှလုံးသားအတွက် ဖြစ်နိုင်ပေမဲ့ ဘဝအတွက်တော့ အမြဲတမ်း မလုံလောက်နိုင်ဘူး။ မေတ္တာစစ်နဲ့ ချစ်ပေးနေတဲ့သူကို တန်ဖိုးထားပေးနိုင်တာက မေတ္တာပါ။ ဒါပေမဲ့ မေတ္တာထက် ငွေကြေးကို ရွေးချယ်သွားတဲ့အခါ နောက်ဆုံးမှာ ကျန်ခဲ့ရတာက မေတ္တာမရှိခဲ့တဲ့လူတစ်ယောက် မဟုတ်ဘူး။ မေတ္တာအပြည့်နဲ့ ချစ်ခဲ့ပေမဲ့ ငွေကြေးမရှိခဲ့လို့ မျက်နှာငယ်ခဲ့ရတဲ့လူတစ်ယောက်ပါ။ ✍️ARIYAN #ARIYAN #100millionviews #foryoupage #lovequotes #relationshipquotes - @ariyanoffical6