මට උඹ එක්ක තරහක් නෑ... ඒත් උඹ මගේ හිත ඇතුළේ ඉතුරු කරලා ගිය හිස්තැන එක්ක හැමදාමත් මගේ හිත රණ්ඩු වෙනවා. උඹ දුන්න වේදනාව එක දවසකින් ආපු දෙයක් නෙවෙයි. පුංචි පුංචි රිදුම් ගොඩක් එකතු වෙලා, අන්තිමේ මට මාවම හොයාගන්න බැරි තරම් විශාල වේදනාවක් වුණා. මං කාටවත් නොකියා රෑවල් ගණන් අඬද්දී, මගේ හිත ඇතුළෙන් හැමදාමත් බලාපොරොත්තු වුණේ එකම දෙයක්... “උඹට මාව මතක් වෙයි.” “එක දවසක හරි උඹ හැරිලා බලයි.” “මං නැතිවෙලා යනවා කියලා උඹට තේරෙයි.” ඒත් උඹ හැරිලා බැලුවේ නෑ. මං කඩාගෙන වැටෙන හැම මොහොතකම, මගේ අත අල්ලන්න මං බලාගෙන හිටපු අතම මාව අතහැරලා ගියා. අමුතුම දේ දන්නවද? මාව බේරගන්න කිසිම වගකීමක් නැති මිනිස්සු මගේ ළඟට ආවා. මං කඳුළු හංගද්දී ඒවා දැක්කා. මං “මං හොඳින්” කියද්දී, මං හොඳින් නෙවෙයි කියලා තේරුම් ගත්තා. මං වැටුණු තැනින් මාව නැගිට්ටවන්න, මං අහිමි කරගත්ත මාව ආයෙත් මටම හොයාගන්න, ඔවුන්ට පුළුවන් විදියට ඔවුන් මගේ ළඟ හිටියා. ඒත්... “ජීවිතේ පුරාවට මං එක්ක ඉන්නවා” කියපු උඹ, මං නැතිවෙලා යන දිහා බලන්නවත් නතර වුණේ නෑ. ඒකයි මට අදටත් තේරුම් ගන්න බැරි. මාව රිදවපු කෙනාවම මට තාමත් අමතක කරන්න බැරි ඇයි? මං වැටෙනකොට අතක් නොදුන්න කෙනෙක් ගැනම, මං තාමත් රෑ නිදි නැතුව හිතන්නේ ඇයි? මගේ කඳුළු වලට හේතුව වුණු කෙනෙක්, මගේ හිනාවට වඩා වටිනා මතකයක් වෙලා මගේ හිත ඇතුළේ තාමත් ජීවත් වෙන්නේ කොහොමද? සමහරවිට ආදරේ කියන්නේ ඒක වෙන්න ඇති... අපිව තෝරන්නේ නැති කෙනෙක්ව අපි තෝරගන්න එක. අපි වෙනුවෙන් සටන් නොකරන කෙනෙක් වෙනුවෙන්, අපේ හිත ඇතුළේ හැම සටනක්ම කරන එක. අපිට වටිනාකමක් නොදෙන කෙනෙක්ට, අපේ මුළු ලෝකෙම වටිනාකම දෙන එක. ඒත් දැන් මට තේරෙනවා... සමහර ආදර කතා ඉවර වෙන්නේ කෙනෙක් අතහැරලා යන දවසේ නෙවෙයි. අපි ඒ කෙනාව තාමත් ආදරෙන් මතක් කරන අතරේ, අපිටම අපිව නැවත ආදරේ කරන්න පටන් ගන්න දවසේ. මට උඹ ගැන තරහක් නෑ. මං උඹට දොස් කියන්නෙත් නෑ. මට තියෙන්නේ එකම එක ප්‍රශ්නයක්... මං මැරෙන්න තරම් දුක් විඳපු වෙලාවක, මාව බේරගන්න එක අඩියක්වත් ඉස්සරහට නොතැබූ උඹ වෙනුවෙන්... මගේ හිත තාමත් ඇයි මෙච්චර දුරක් ඇවිත් නතර වෙලා තියෙන්නේ? සමහරවිට දවසක ඒකට උත්තරයක් මට හම්බෙයි. එදාට මට තේරෙයි, මං උඹට ආදරේ කරලා තිබුණේ උඹ නිසාද, නැත්නම් උඹ එක්ක මං දැක්ක මගේ ලෝකෙ නිසාද කියලා. ඒ දවස එනකම්... උඹ මගේ හිතේ ඉතුරු කරපු මතකයක් විතරක් වෙලා ඉන්න. මං උඹව අමතක කරන්න උත්සාහ කරන්නෙ නෑ. මං උඹව අමතක කරන්න තරම් ශක්තිමත් වෙන දවස එනකම්, මාවම ආයෙත් හොයාගන්න උත්සාහ කරනවා. මොකද අන්තිමේ... මාව බේරගන්න පොඩි හරි උත්සහයක් නොකරපු කෙනෙක් වෙනුවෙන් මගේ මුළු ජීවිතේම නැති කරගන්න තරම් මං තවදුරටත් මටම අසාධාරණ වෙන්න ඕනෙ නෑ. සමහරවිට උඹ මගේ ජීවිතේ ලස්සනම කතාව නොවෙන්න පුළුවන්... ඒත් උඹ මට කියලා දුන්න ලොකුම පාඩම වෙන්න පුළුවන් කෙනෙක්ව මුළු හදවතින්ම ආදරේ කරන එකට කලින්, තමන්ගේ හදවතත් රැකගන්න ඕනෙ කියලා. #quotes #kuweniye #slowedandreverb #onemillionaudition #fyyyyyyyypppppppppppp #shenx999 - @shenx_999