@fuad3ziz: كيف تربط صفحتك اللي على GitHub بقاعدة بيانات مجانية بدون سيرفر ولا ريال شهرياً. أول شي فيه لبس منتشر لازم يتصحح، البعض يظن إن الصفحة اللي فيها قاعدة بيانات ما تنشر على GitHub، وهذا غلط، هي تنشر عادي واللي ما ينفع هو السيرفر الخلفي فقط. GitHub Pages ياخذ ملفاتك ويعطيك رابط وخلاص، هو يوزّع ملفات ما يشغّل شي، فصفحتك تشتغل عند الزائر في متصفحه، والبيانات ما تروح مكان، تغلق الصفحة كل شي يروح. فتحتاج مكان برّا الصفحة يحفظ فيها، وهنا يجي دور Supabase، قاعدة بيانات جاهزة على الإنترنت فيها خطة مجانية وصفحتك تكلّمها بالجافاسكربت مباشرة بلا سيرفر بينهم. وفي شاشة إنشاء المشروع ثلاث خانات هي أهم دقيقة عندك، وحدة تخلي صفحتك تكلّم القاعدة أصلاً خلّيها شغّالة، ووحدة تكشف الجداول تلقائياً وإنت اطفّيها، ووحدة الأمان التلقائي شغّلها. وأهم نقطة إن المفتاح اللي تحطه في صفحتك مكشوف لأي أحد يفتح الكود، وهذي مو ثغرة ولا غلطة، كذا هو مصمّم لأن الصفحة تشتغل عند الزائر فلازم يكون معاه، والحماية مو على المفتاح، الحماية على قاعدة البيانات نفسها. وفي آخر الفيديو آخذ المفتاح المكشوف نفسه وأحاول أقرأ الرسائل قدامكم وتشوفون إيش راح يصير. احفظه بتحتاجه أول مشروع فيه بيانات. #فؤاد_يبني #github #supabase #قواعد_البيانات #ذكاء_اصطناعي

فؤاد عبدالعزيز | AI

Open In TikTok:

Region: SA

Thursday 13 August 2026 18:52:44 GMT