အရင်ဆုံစကြာဝဠာ (၃) မျိုးရဲ့ နယ်နိမိတ် သတ်မှတ်ချက်နဲ့ ယှဉ်ပြီး ကြည့်နိုင်ပါတယ် - စကြာဝဠာ အဓိပ္ပာယ် သတ်မှတ်ချက် (၃) မျိုး အဘိဓမ္မာနှင့် အဋ္ဌကထာ ကျမ်းဂန်များတွင် ဘုရားရှင်နှင့် ဆက်စပ်ပြီး စကြာဝဠာများကို အောက်ပါအတိုင်း အမျိုးအစား (၃) မျိုး ခွဲခြားပြသထားပါတယ် - ၁။ ဇာတိခေတ် (တစ်သောင်း စကြဝဠာ) ဘုရားလောင်း ပဋိသန္ဓေယူချိန်၊ ဖွားမြင်ချိန်၊ သဗ္ဗညုတဉာဏ် ရရှိချိန်၊ ဓမ္မစကြာ တရားဟောချိန်၊ အာယုသင်္ခါရ လွှတ်တော်မူချိန်နှင့် ပရိနိဗ္ဗာန်စံလွန်တော်မူချိန် စသည့် ထူးခြားသော စကြဝဠာဆိုင်ရာ ဖြစ်စဉ်များ၌ တစ်ပြိုင်နက်တည်း တုန်လှုပ်ရေလှိုင်းထလေ့ရှိသော စကြဝဠာ အစုအဝေး (ကုဋေတစ်သောင်း) ဖြစ်ပါတယ်။ ၂။ အာဏာခေတ် (စကြဝဠာ ကုဋေတစ်သိန်း) ရတနသုတ်၊ မေတ္တသုတ်၊ ဓဇဂ္ဂသုတ် စသည့် ဘုရားရှင်၏ ပရိတ်တော်များ၊ စက်ရှိန်အာဏာတော်များနှင့် တန်ခိုးတော်များ ပျံ့နှံ့ သက်ရောက်နိုင်သော စကြဝဠာ အစုအဝေး (ကုဋေတစ်သိန်း) ဖြစ်ပါတယ်။ ၃။ ဝိသေယျခေတ် (အနန္တ စကြဝဠာ) အတိုင်းအဆမရှိ၊ အဆုံးအစမရှိသော စကြဝဠာ အားလုံး ဖြစ်ပါတယ်။ ဘုရားရှင်၏ သဗ္ဗညုတဉာဏ်တော်ဖြင့် အကုန်အစင် တပ်အပ်သိမြင်နိုင်သော စကြဝဠာ အနန္တ ဖြစ်ပါတယ်။ ဤဘုရားပွင့်ရာမဂ္ဂစကြဝဠာသည်သီးခြားထူးခြားချက်.... အထက်ပါ စကြဝဠာ ပမာဏ အသီးသီးရှိသည့်အနက် - မဂ္ဂစကြဝဠာ (မဂ်ဉာဏ် ပွင့်ထွန်းရာ စကြဝဠာ)သည် ဤဇာတိခေတ်စကြဝဠာထဲမှာဗဟိုပြု၍တည်ရှိပြီ ဘုရားရှင် ကိုယ်တော်တိုင် လူအဖြစ် ပဋိသန္ဓေယူပြီး ပညာပါရမီ၊ စာဂပါရမီ စသည်ဖြင့် ပါရမီ (၁၀) ပါးကို ဖြည့်ဆည်းကာ သဗ္ဗညုတဉာဏ်ကို ရယူ ပွင့်တော်မူသည့် စကြဝဠာမှာ ဤစကြဝဠာ တစ်ခုတည်း သာ ဖြစ်ပါတယ်။ အခြားသော စကြဝဠာတစ်သောင်း၊ ကုဋေတစ်သိန်းမှ တန်ခိုးကြီးသော နတ်၊ ဗြဟ္မာများသည် တရားရေအေး သောက်သုံးလိုသည့်အခါ ဤမဂ္ဂစကြဝဠာ သို့ ရောက်ရှိလာကြပြီးမှသာ ဘုရားရှင်ထံ၌ တရားနာယူကြရခြင်း ဖြစ်ပါတယ်။ အနှစ်ချုပ် အနန္တစကြာဝဠာကြီးထဲမှာ ဘုရားပွင့်ရာ "မဂ္ဂစကြဝဠာ" ဆိုတာ တစ်ခုတည်း သာရှိ ပြီး၊ ထို မဂ္ဂစကြဝဠာ ဆိုသည်မှာလည်း ကျွန်တော်တို့ လက်ရှိ ရောက်ရှိနေထိုင်နေသည့် ဤစကြဝဠာ ပင် ဖြစ်ပါတယ်။ ထို့ကြောင့် အနန္တစကြာဝဠာ၏ ဗဟိုချက်မကဲ့သို့ ထူးခြားလှသည့် မဂ္ဂစကြဝဠာကြီးအတွင်း၌ ဘုရားရှင်၏ သာသနာတော်နှင့် ကြုံတွေ့နေရချိန်တွင် ကုသိုလ်တရားများကို အထူးလုံ့လစိုက် ပြုလုပ်ထိုက်လှပေသည်။ $$$$$အခြား စကြာဝဠာများတွင် ဘုရားမပွင့်ရသည့် အကြောင်းရင်းများ$$$ (က) ဘုရားနှစ်ဆူ ပြိုင်မပွင့်သည့် နိယာမ .. ဓမ္မနိယာမ တရားတော်အရ စကြာဝဠာ အနန္တတစ်ခုလုံး၌ တစ်ချိန်တည်းတွင် ဘုရားနှစ်ဆူ ပြိုင်ပွင့်လေ့ မရှိပါ။ အကြောင်းမှာ - သဗ္ဗညုတ ဘုရားရှင်ဆိုသည်မှာ လောကတစ်ခုလုံးတွင် အမြတ်ဆုံး၊ အသာလွန်ဆုံး (အသမသမ) ဖြစ်သဖြင့် ဘုရားနှစ်ဆူ ပြိုင်ပွင့်ပါက ဘုရားတန်ခိုး ပြိုင်သကဲ့သို့ ဖြစ်နိုင်ခြင်း၊ တရားတော်၏ အဓိကရဟန်း/ဒါယကာများ ကွဲပြားပြီး သာသနာတော် သွေးကွဲစရာ အကြောင်းများ ပေါ်ပေါက်နိုင်ခြင်းတို့ကြောင့် ဖြစ်ပါတယ်။ (ခ) ဇမ္ဗူဒိပ်ကျွန်း၏ ထူးခြားချက် အတိတ်က ပွင့်တော်မူခဲ့ပြီးသော ဘုရားရှင်များ အားလုံးနှင့် နောင်ပွင့်တော်မူမည့် ဘုရားရှင်များ အားလုံးသည် ဤစကြာဝဠာရှိ ဇမ္ဗူဒိပ်ကျွန်း (မဇ္ဈိမဒေသ) ၌သာ ပွင့်တော်မူကြပါတယ်။ အကြောင်းမှာ ဤဘုံရှိ လူသားများသည် - သံဝေဂရလွယ်ခြင်း (ဆင်းရဲ၊ ချမ်းသာ၊ အို၊ နာ၊ သေ ဒုက္ခများကို အထင်းသား မြင်တွေ့နိုင်ခြင်း)၊ ဉာဏ်ပညာ ထက်မြက်ပြီး ပါရမီဖြည့်ဆည်းရန်နှင့် မဂ်ဖိုလ်ရရန် အလွန် သင့်တော်သည့် အခြေအနေရှိခြင်းတို့ကြောင့် ဖြစ်ပါတယ်။ (အခြား စကြာဝဠာများနှင့် မြောက်ကျွန်း နှင့်အခြာကျွန်းများတွင် စသည်တို့မှ လူများသည် ချမ်းသာလွန်းသဖြင့် သံဝေဂရရန် ခက်ခဲကြပါတယ်)။ ၃။ အခြား စကြာဝဠာမှ သတ္တဝါများ တရားနာခွင့် ရကြသလား။ အခြား စကြာဝဠာများ၌ ဘုရားမပွင့်သော်လည်း ကျွန်တော်တို့ စကြာဝဠာ၌ ဘုရားပွင့်တော်မူပြီး တရားဒေသနာတော်များ ဟောကြားသည့်အခါ - အာဏာခေတ် (စကြာဝဠာ ကုဋေတစ်သိန်း) အတွင်းရှိ တန်ခိုးကြီးမားသော နတ်၊ ဗြဟ္မာများသည် ကျွန်တော်တို့ စကြာဝဠာသို့ ရောက်ရှိလာပြီး ဘုရားရှင်ကို ဖူးမြော်ကာ တရားတော်များကို နာယူကျင့်ကြံနိုင်ကြပြီး မြတ်ဗုဒ္ဓတရားတော်ကိုဝေးမျှကြပြီး အပါယ်လေးဘုံကနေလည်လွတ်မြောက်နိုင်ကျသည်။ သို့သော် အသိဉာဏ်မမှီနိုင်တဲ့သတ္တဝါသည် ရုပ်ဝတ္ထုအဆင့်၌သာရှိပြီး နတ်/ဗြဟ္မာ မဟုတ်သော အခြား စကြာဝဠာများရှိ သတ္တဝါများမှာ ဘုရားရှင်၏ သာသနာတော်၊ တရားတော်များနှင့် လုံးဝ ဝေးကွာနေကြရပါတယ်။ #အနတ္တာစကြာဝဠာ #ပါချုပ်ဆရာတော်ဘုရာကြီး🙏🙏🙏 #ဓမ္မမိတ်ဆွေအပေါင်းသူတော်ကောင်းတို့🌹🌹🌹 #part.4 - @sunshineli06