Habeenkii ayaa sidaas isaga dhamaaday, jawigiisana wuxuu ahaa ereyadii uu ku luqeeyay digfeer “Dayaxiyo cadceedaa Daraad leyga yeeroo Daruuraha dushoodaa Durbaan leyga tumayoo Dariiqaan ka laabtana Dabeylihi jacaylkaa Igu soo degaayoo Deris aanu noqonee” Markuu hurdada dhex galay, ee uu dhex mushaaxay aduun maalinki ka qarsoonaa, xaalkiisa wuxuu ahaa “Xaley duruusti la ii dhigay Intaan daawo lahaa buu Dayaxii habeenimo Ila koray daruurahaa” Wax baa helay ninkii dan iyo xarago noloshiisu ahayd, isku toosnaanti jacayl aragti koowaad ku galay baa qasay, nin wuxuu ahaa xariif ku ah hasaawaha, danna uma geli jirin gabadhuu la sheekeysto, balse markan waa la hayaa, horaa loo yiri “nin is waalaba, waabiyaa helo”, isla yaab buu taaganyahay. Habeenkii wuxuu gurguurtaba, wuxuu mugdigiisa wax badan ku dadaba, waxay dhibanayaal badan isku qaariyaanba, iftiinka waaberiga ayaa galalac yiri, subax ka badalan subaxyadii hore, odaygii haduu kacay waxa ugu horeeyay ee uu sameeyay waxay ahayd inuu mobilka fiiriyo bal iney fariin kusoo khaladay inantii uu Ladan ula baxay, balse waa tey ahayd inuu asiga waco, waxba kuma uusan arkin mobilka, dantiisii ayuu iska qabsaday, is diyaarin, salaad tukasho, howlo subaxeedkii ayuu dhameystay kadibna dawaamka shaqada ayaa u xigtay, intuu sii socday ayuu fariin gaaban u qoray oo uu ku wareysanaayo xaaladeeda, subaxeeda sida uu ku bilowday, xaley jawigeeda siduu ahaa, cabaar markuu joogay goobtii shaqada ayuu mobilki soo bilig leeyay, gariir saarnaa ayuu ka dareemay miiska uu ku shaqeenayo oo gacantiisa saarneed, isla markii waxaa niyadiisa qalaw kusoo dhahday inantii uu Ladan ula baxay iney usoo jawaabtay, layaab! Boqolaal fariimood oo kala duwan ayaa halmar usoo dhici kara hadana keliya wuxuu ka fikirayaa gabadha aad moodo iney balag u surtay, balag maahee jacaylkeeda ayaa garba duub u xiray oo yiri Ladan mooyee cid kalaba yeysan dubaaqaaga iyo laabtaada kusoo dhicin! Mobilka ayuu lasoo booday sida inuu gubasho ka cararaayo, gacmo gariiraya iyo laab qabowday, looga mobilka oo iska fududaa ayaa ku qaadatay inuu furo, haduu furay ayuu dhex tagay meesha fariinta kusoo dhacday oo whatsapp ahayd, asigoo salaanta si diiran looga qaaday oo jawaab haboon la siiyay, isna xaalkiisa la wareystay ayuu arkay, waa nin barbar loo ridaye wuu yara muusooday, hadey u noqoneyso wuu duuli lahaa, balse wuxuu isku celiyay inuu joogo goob shaqo oo uusan asiga maamule ka ahayn, fariin buu ku celiyay oo uu ku bilaabay “Ladaneey” “waxa aan dareemayo waa wax aanan aniga xakameyn karin oo iga tan badiyay, kuma dhihi karo waan ku jeclahay oo mahubo dareenkeyga inaan kuu gefana marabo, sababtoo ah qof wanaag oo dhan u qalma ayaa tahay, sidaad iila hadashay keliya ayaa iga dhigtay inaan farxad la duulo”, xaalkiisu hadeer waa ereyadii nimcaan uu yiri “Miyaan xakameyn karaa Xusuusaha joogtadaa Qalbiga ma anaa xukuma Xabiibi adaa watee” kadibna wuu diray fariintii, isla markii jawaab ma uusan helin balse wuu sugayaa oo inantuu Ladan ula baxay Fariinta waa ay gaartay balse ma ay furin weli…? Q 4aad : Maxay ku hadashay? عاشق القهوة🖤☕️ / W/Q - Abdullahi #story #fy #fyppp #fypage #somalitiktok - @abdullahi..hassan