ဘယ်လို နာမည်တွေပဲ တပ်တပ် စစ်အာဏာရှင်စနစ်၊ စစ်သုံးစစ်ပါပဲ။ သူတို့မှာ ရုပ်ဝတ္ထုပစ္စည်းအားသာတယ်။ ခွန်အားအရ သာလွန်တယ်။ စစ်အုပ်စုမှာ လုံးဝအားနည်းနေတာကတော့ နိုင်ငံတကာ အသိအမှတ်ပြုမှုနဲ့ ပြည်သူလူထုရဲ့ ထောက်ခံမှုပါပဲ။ ဒါပေမယ့်လည်း သူတို့လိုချင်နေတဲ့ အသိအမှတ်ပြုမှုကို နှစ်ခုလုံးမှာ ရရှိခြင်းရှိမနေပါဘူး။ သူတို့က အဲ့တာတွေကို လိုချင်တယ်။ ဒါကြောင့်ပဲ ရွေးကောက်ပွဲအတုတွေလုပ်ပြီး အရပ်သားအစိုးရအတုကို အတင်းအဓမ္မ ဖန်တီးထားခြင်းပဲ ဖြစ်ပါတယ်။ သူ့ကိုယ်သူတော့ တရာဝင်အစိုးရဆိုပြီး ကြေညာမောင်းခတ်ထားဟာ အသိအသာကြီးပါပဲ။ ဒီအကြောင်းတရားတွေဟာ အခုနွေဦးတော်လှန်ရေးကာလကြီးမှာတင် မဟုတ်ပဲ ခေတ်အဆက်ဆက် ဖြစ်ရိုးဖြစ်စဉ်တွေပဲ ဖြစ်ပါတယ်။ အာဏာရှင် နေဝင်း‌အစိုးရခေတ်တုန်းကလည်း တော်လှန်ရေးကောင်စီ၊ မြန်မာ့ဆိုရှယ်လစ်လမ်းစဉ် ဘယ်လိုပဲ နာမည်တွေပြောင်းပြောင်း အနှစ်သာရအားဖြင့် အာဏာရှင်စနစ်ပါပဲ။ အခုလည်း အာဏာရှင်က အာဏာရှင်ပါပဲ။ ဒါကို ကျနော်တို့ မျက်ခြေပျက်ခံလို့ မဖြစ်ပါဘူး။ သိဖို့လိုပါမယ်။ ကျ‌နော်တို့ တိုင်းပြည်ရဲ့ တကယ့် ရေသောက်မြစ် ပြဿနာသည် ဒီစစ်အာဏာရှင်စနစ်ပဲဖြစ်ပါတယ်။ ဒီစစ်အာဏာရှင်စနစ်ဆိုးကို အမြစ်ဖြတ်နိုင်ဖို့အတွက်က ကျနော်တို့အားလုံးမှာ တာဝန်ရှိပါတယ်။ ဒါကိုပဲ ကျနော်တို့အတူတူ တိုက်ဖျက်တွန်းလှန်ရင်း တော်လှန်သွားကြရမှာပဲ ဖြစ်ပါတယ်ခင်ဗျာ။ #tayzarsan #GSCB #Teatalk #WhatsHappeningInMyanmar #revolution #tiktokmyanmar #fypシ #highlights - @kotayzarsan