ခွေးကို လမ်းဖယ်ပေးလိုက်တာက ခွေးကိုက်ခံရတာထက်စာရင် အများကြီး ကောင်းပါတယ်။ ဘဝမှာလည်း ဒီလိုပါပဲ။ လူတိုင်းနဲ့ ပြိုင်ဆိုင်ဖို့ မလိုပါဘူး။ လူတိုင်းကို ကိုယ့်အမြင်မှန်ကြောင်း သက်သေပြဖို့လည်း မလိုဘူး။ တချို့လူတွေ၊ တချို့အခြေအနေတွေက ကိုယ်ဘယ်လောက်ပဲ ရှင်းပြရှင်းပြ နားလည်ပေးမှာ မဟုတ်ပါဘူး။ အဲ့ဒီအခါ လမ်းဖယ်ပေးလိုက်တာဟာ အရှုံးမဟုတ်ပါဘူး။ ကိုယ့်ကိုယ်ကို ကာကွယ်လိုက်တာပါပဲ ။ တချို့အငြင်းပွားမှုတွေမှာ အနိုင်ရသွားရင်တောင် စိတ်ပင်ပန်းမှု၊ ဒေါသနဲ့ မလိုအပ်တဲ့ ပြဿနာတွေကို ကိုယ်ကပဲ ပြန်သယ်ဆောင်ရတတ်တယ်။ ဘဝမှာအရာရာကို ရင်ဆိုင်မှ သတ္တိရှိတာ မဟုတ်ဘူး။ တချို့အရာတွေရှေ့မှာ လမ်းဖယ်ပေးတတ်ဖို့လိုတယ်။ ဒါက ကြောက်လို့မဟုတ်ဘူး။ ကိုယ့်ဘဝမှာ ဘယ်အရာနဲ့ တိုက်သင့်ပြီး ဘယ်အရာကို ကျော်သွားသင့်တယ်ဆိုတာ သိလာလို့ ကိုယ့်စိတ်ကို ဘယ်သူ့လက်ထဲမှာမှ အလကားမအပ်တော့တာပါပဲ ။ ဘဝက တိုတောင်းတယ်။ အဲ့ဒီတိုတောင်းတဲ့ဘဝထဲမှာ ကိုယ့်ကို နာကျင်စေမယ့်သူတွေနဲ့ အနိုင်အရှုံးတွက်ရင်း ကုန်ဆုံးဖို့ထက် ကိုယ်ချစ်တဲ့သူတွေနဲ့ အေးအေးချမ်းချမ်း နေဖို့၊ ကိုယ်ယုံကြည်တဲ့အရာတွေအတွက် တိတ်တိတ်လေး ဆက်လျှောက်ဖို့၊ ကိုယ့်စိတ်ထဲမှာ မုန်းတီးမှုတွေ မကျန်အောင် နေထိုင်ဖို့က ပိုအရေးကြီးပါတယ်။ #ရိပ်ငြိမ် #pageforyou #fyp #creatorsearchinsight #view - @sithufitness