#Oduu_Addaa: Itoophiyaatti, Mootummoonni Magaalaa Guddoo Ofii Hin Bulchine Oromiyaa Qofa Malee Akka Hin Jirre Kan Gabaase BBC'n akka kanaa gadiitti dhiheessee jira. BBS NewsHagayya 8/12/2018: Magaalaa guddoo Itoophiyaafi Oromiyaa kan taate Finfinneerratti gaaffiin abbummaafi mariin akkaataa bulchiinsa ishee ilaalchisee yeroo yeroon falmiin cimaan ka'aa turuun ni beekama. Magaalattiin teessoo mootummaa federaalaafi naannichaa taatee argamtuu wajjin wal-qabatee, qaamolee siyaasaa, ogeeyyii seeraafi hawaasa gidduutti ejjannoon wal-falhisiisan qabxiilee gurguddoo ta'anii fufaanii jiru. Heerri mootummaa federaalaa Itoophiyaa Keeyyata 49 irratti akka ibsetti, Finfinneen magaalaa guddoo mootummaa federaalaa ta'uun ishee kan tumame yoo ta'u, gama biraatiin immoo naannoon Oromiyaa fedhii addaa Finfinneerraa qabaachuun isaa heeraan ifatti kaa'ameera. Haa ta'u malee, fedhiin addaa kun hanga ammaatti hojiitti hiikamuu dhabuun isaa mormii fi gaaffiiwwan ka'anuf sababii guddaa ta'eera. Gama tokkoon Finfinneen qaama Oromiyaa waan taateef bulchiinsi ishees guutummaatti Oromiyaa jala galuu qaba kan jedhu ejjannoon cimaan yeroo dhiyaatu, gama biraatiinammoo magaalattiin kan sabaafi sab-lammoota Itoophiyaa hunda ta'uu qabdi jechuun kan falman hedduudha. Walitti-buufni ejjannoo kanaa dhimmi Finfinnee marii biyyaalessaa gaggeeffamaa jirus dabalatee akka mata duree falmisiisaatti akka itti fufu taasiseera. Ogeessi seeraafi siyaasaa Girmaa Guutamaa akka ibsanitti, mootummaa amma jiru gaafa qophaa'u mirga siyaasaa Oromiyaan Finfinneerraa qabdu bara Chaartaraa bahe keessaa baafamee heera keessatti gadi buusamee kan rarraafame ta'uu dubbatu. Mirgi siyaasaa magaalattii bulchuu fi seera itti tumuu dhiphifamee abbummaan ishee ifatti kaa'amuu dhabuun rakkoo heericharraa madde ta'uu eeru. Ogeessi seeraa biroo Ajjamaa Malataa gamasaaniin, rakkoon ijoon Finfinnee akka falmii taasisetti hanqina seeraa osoo hin taane murtoo siyaasaa, keessumaa mootummaa naannoo Oromiyaa irraa fudhatamuu dhabuu a 📷 style inspiration 📷 ✨️ - @onemaltimediaone1