@ganesh_dangi03: रित्तिँदै गएको गाउँ कुनै समय मानिसहरूले भरिभराउ यो गाउँ आज लगभग पूर्ण रूपमा रित्तिएको छ। जहाँ पहिले घरैपिच्छे मानिसहरूको चहलपहल हुन्थ्यो, आज त्यहीँ सुनसान देखिन्छ। रोजगारी, शिक्षा र राम्रो भविष्यको खोजीमा मानिसहरू बिस्तारै गाउँ छाड्दै गए। कोही सहर पसे, कोही विदेशिए। एकपछि अर्को गर्दै घरका ढोकामा ताल्चा लाग्दै गए। हिजो मान्छेको पाइला पर्ने बाटोमा आज घाँस उम्रिएको छ। कतिपय घरहरू भत्किन थालेका छन् भने कतिपय घरहरू झाडी र जंगलले ढाकिन थालेका छन्। खेतीयोग्य जमिन बाँझिएका छन् र गाउँको धेरैजसो भाग जंगलमा परिणत हुँदै गएको छ। मानिसहरूले छाड्दै गएपछि कुनै समय जीवनले भरिएको यो गाउँ अहिले प्रकृतिले आफ्नो कब्जामा लिन थालेको जस्तो देखिन्छ। तर यो एउटा गाउँको मात्र कथा होइन। नेपालका धेरै ग्रामीण भेगका गाउँहरू पनि आज यही अवस्थामा पुग्दैछन्। हिजो मानिसहरूले भरिएका गाउँहरू आज रित्तिँदै छन्, घरहरू जंगलले ढाकिँदै छन् र बिस्तारै गाउँको अस्तित्व नै हराउँदै गएको छ। आखिर, यो क्रम कहिलेसम्म चलिरहने? फेरि यी सुनसान गाउँहरूमा मानिसहरूको चहलपहल कहिले फर्किएला ... rittiyako gau #nepalitiktok #nepalimuser

Ganesh Dangi

Open In TikTok:

Region: NP

Friday 14 August 2026 20:05:15 GMT