@v8v_511: ‏تنقيتك ؟ ابد والله ، عَبرت و شفت قلبي طاح ‏ بغيت أشيله و طاحت تنادي بأسمك عظامي ‏ ‏ أنا صحراي جفت من زمان الين برقك لاح ‏ و صارت جنةً خضرا بوادي صدري الضامي ‏ ‏ أكذب صوت عقلي كل ما قال الحظوظ شحاح ‏ و أصدق صوت قلبي " رُبَّ رميه مالها رامي " ‏مشيت لباب قلبك ما بيديني للوصل مفتاح ‏ ما شالت هالكفوف الا أربعه خامسهم بهامي ‏و لكن جيت اجازم في سبيلك بأخر الافراح ‏لعل الله يبيض في وجودك وجه الايامي ‏و إذا حبّك غدا همي ياجعلك هم ما ينزاح ‏انا قلبي عصاني لك ؟ شلون اطيع لوّامي ‏أضيع ربكتي حولك بـ دور الضاحك المزّاح ‏أخاف تلاحظ عيوني شغلتك في تبسامي ‏ ‏ تفاصيلك الاحظها شلون بفطنة اللمّاح ‏ و أنا اللي فاهي وعيه يعيش بقلب متعامي ‏ ‏من المشية تصدق صرت أعرفك ضايق أو مرتاح ‏من النظرة من الكلمة من الخطوات قدامي! ‏غريب الحُب و الأغرب إذا عشته مثل الاشباح ‏غريب الحُب كيف إنه يميت و يحيي أنسامي ‏يعز اللي عروقه من خسارة ما يعرف ارباح ‏ويضيم اللي مواخيذة مافيهم شخص منضامي ‏ياحلو الصمت لو أنه تحت صمت الشعور نواح ‏أخاف تجف صُحفي لا حكيت وترفع اقلامي ‏يروحون و يجيب الله على دربي كثر ما راح ! ‏و لكن ما خذا غيرك بـ عمري نزعة هيامي ‏ ‏كأنك منخلق من ضلع قلبي اندماج أرواح ‏ما بيني و بينك أحساس غريب أغرب من أوهامي ‏ ‏ أنا جيت أسكنك "موطن لحد " ماجيت لك سواح ‏لقيتك منشأ الحب الأخير و ريحة أحلامي

﮼الجوري |♚✨🇸🇦

Open In TikTok:

Region: SA

Friday 14 August 2026 23:46:20 GMT