@abo.shexanyyy: لەم دنیایەدا هیچ شتێک هێندەی ئەوە غەدر و بێڕەحمەتی نییە کاتێک کەسێک لە لووتکەی پاکی و خۆشەویستیدا دڵت پارچە پارچە دەکات و بەبێ گوێدانە فرمێسکەکانت پشتت تێدەکات کەچی دوای ماوەیەکی درێژ کاتێک خۆی لە ژیاندا دەشکێت و دۆزەخی تەنیایی دەورەی دەدات دیسانەوە دێتەوە سەر ڕێگەت و دەیەوێت لە کانی حەوانەوەی تۆدا ئارام بێتەوە تۆ چۆن بیرت لەوە نەکردەوە کاتێک ڕۆشتیت منت لە ناو چ سەرگەردانی و ئازارێکی قووڵدا جێهێشت چۆن ویژدانت قبووڵی کرد ژیانی مرۆڤێک تێکبشکێنیت کە تاکە تاوانی ئەوە بوو تۆی لە پێش خۆی و لە هەموو دنیا دەبینی من کاتی خۆی لەبەر ڕۆشتنت نەمردم بەڵام هەموو شەوێک لە ناخەوە کرامە خۆڵەمێش و تۆ ئاگات لێ نەبوو کە چۆن تەنهایی ڕۆحم دەخۆلاوێتەوە و چۆن لە حەسرەتی کەمێک سۆزدا سەرم بە سەر ئەژنۆکانمەوە دەنیا و بە دیار وێنەکانتەوە چاوەکانم کز دەبوون ئێستاش پێت ناڵێم ڕقم لێتە و ناشتوانم وەک تۆ دڵڕەق بم چونکە دڵی من فێری وەفا بووە نەک ناپاکی بۆیە وەک مرۆڤایەتی و وەک ڕێزێک بۆ ئەو ڕابردووەی کە کاتی خۆی لای من لە هەموو شتێک پیرۆزتر بوو پێوت ناڵێم بڕو و گوێم لێتە و دەتوانیت هەموو غەمەکانی خۆت لای من خاڵی بکەیتەوە بەڵام تەنها بۆ ئەوەی بزانیت کە من چیتر ئەو مرۆڤە سادە و بێدەسەڵاتەی جاران نیم کە بە نیگایەک یان بە وشەیەکی لێبوردن هەموو ئازارەکانی لەبیر بکات و دیسانەوە باوەش بۆ ئەو خەنجەرە بکاتەوە کە ڕۆژێک لە پشتی داوم من ئێستا کەرامەت و غروری خۆمم لە سەرووی هەموو لێدانەکانی دڵمەوە داناوە و بەهای خۆمم لە پێشترە لە خۆشویستنی تۆ چونکە مرۆڤ ئەگەر کەرامەتی خۆی نەپارێزێت خۆشەویستی دەبێتە کۆیلایەتی و سووکایەتی بۆی و منیش هەرگیز ڕێگا نادەم کەرامەتم ببێتە قوربانی عاتیفەیەکی کاتی تۆ بۆیە فەرموو بڵێ چی بووە و چی لە ناختدا هەیە بیڕێژە بەڵام هەرگیز چاوەڕێی ئەوە نەبیت کە دەرگای ئەم دڵە شکاوانە وەک جاران بۆت بکرێتەوە چونکە متمانەیەک کە لەبەر قاچی غروری تۆدا سەربڕدرا ئیتر بە هیچ وشەیەک و بە چەندین کاتژمێر گریانیش زیندوو نابێتەوە تۆ تەنها ڕێبوارێکی ماندووی کە لە کاتی زریاندا بۆ سێبەرێک لای من لادەدەیت و دڵنیابە کاتێک بارانەکە وەستا دیسانەوە دەڕۆیتەوە بەڵام ئەمجارە پێش ئەوەی تۆ بڕۆیت من بۆ هەمیشە دەرگاکە دادەخەم و ڕێگەی ئێمە لێرەوە بۆ هەمیشە لە یەک جیا دەبێتەوە و دەبێتە دوو هێڵی تەریب کە تەنها لە گۆڕستاندا بە یەک دەگەنەوە و لەوێشدا من لە خودا داوا دەکەم کە لە قیامەتیشدا ڕێگامان نەخاتەوە سەر یەک چونکە ئەو ئازارەی تۆ بە منت چەشت لە توانای چووزانەوەی هیچ چاوەڕوانییەکدا نەبوو بۆیە بڵێ و کۆتایی پێ بهێنە چونکە من ئیتر ئەو کەسە نیم کە فرمێسکەکانت بۆ بسڕێت تۆ ڕۆژێک منت بە زیندویی نێژراو جێهێشت و ئێستاش هاتووی سەیری کێلی قەبرەکەم دەکەیت نا ئازیزم من لەو خاکە سەرلەنوێ شین بوومەتەوە بەڵام ئەمجارە بێباک لە تەم و زریانی تۆ من فێربووم چۆن بە تەنهایی بژیم و چۆن لە ناو ئازارەکانمدا پیاوانە ڕاوەستم بۆیە چی دەڵێی بیڵێ و کاتێک قسەکانت تەواو بوو تەنها بێدەنگ بە و سەیرم بکە کە چۆن بۆ هەمیشە لە ژیانتدا کورت دەبمەوە و دەبمە خەونێک کە تەنها لە دوورەوە حەسرەتی بۆ بخۆیت چونکە زەوی چەندە گەورە بێت دڵنیابە چاوەکانت چیتر کەسێکی وەک من نابیننەوە کە بەو شێوە پاکە خۆشی بوێیت و بەو شێوە بەهێزەش بتوانێت لە پێناو کەرامەتی خۆیدا وازت لێ بهێنێت من کاتی خۆی هەموو تەمەنی خۆمم پێشکەش بە تۆ کرد بەڵام تۆ تەنها بۆ پڕکردنەوەی کاتە بەتاڵەکانت منت دەویست ئێستاش کە هاتووی و دەڵێیت دڵت تووندە بڕۆ لای ئەو کەسانەی کە لەبەر ئەوان منت جێهێشت بڕۆ کاتەکانت لەگەڵ ئەواندا بەسەر بەرە کە منت کردە قوربانی بۆیان دڵی من چیتر حەشارگەی گەشتیارە ماندووەکان نییە و ئەم عیشقە پیرۆزە گەیشتە کۆتایی خۆی من لەمڕۆوە ناو و ڕووخسار و تەنانەت یادگارییەکانی تۆش لە لاپەڕەکانی ژیانمدا دەسڕمەوە بۆ ئەوەی بزانیت مرۆڤ کاتێک دەشکێت چۆن دەبێتە بەردێک کە هیچ زریانێک ناتوانێت بیجوڵێنێت فەرموو قسەکانت بکە چونکە ئەمە دواین جارە کە دەنگ و وشەکانی من دەبیستیت و دوای ئەمە بۆ هەمیشە دەبمە بێدەنگییەک کە تەواوی تەمەنت لە حەسرەتیدا بگریت..🥀

𝙎𝙝𝙚𝙭𝙖𝙣𝙮⚜️

Open In TikTok:

Region: IQ

Saturday 15 August 2026 00:01:23 GMT