ရင်ဘတ်ထဲမှာ နှုတ်လို့မရတဲ့ ဆူးတစ်ချောင်း စိုက်ဝင်နေတဲ့အခါ... အပေါ်ယံကနေ အကိုက်အခဲပျောက်ဆေး သောက်လိုက်ရုံနဲ့၊ ဒါမှမဟုတ် ပလာစတာလေး လှလှဖုံးအုပ်ထားလိုက်ရုံနဲ့တော့ ဆူးက ထွက်သွားမှာ မဟုတ်ပါဘူး။ ခဏတာ နာကျင်မှု သက်သာသွားပေမဲ့ ဆူးကို မနှုတ်သရွေ့ အစကိုင်မိတိုင်း ပြန်ပြန်နာနေဦးမှာပါပဲ။ ဘဝရဲ့ သောကတွေလည်း ဒီလိုပါပဲ။ စိတ်ဓာတ်ကျပြီး အဆင်မပြေမှုတွေ ကြုံရတဲ့အခါ... အစားအသောက်တွေ အများကြီး စားပစ်လိုက်တာ၊ ဖုန်းထဲမှာ အချိန်ဖြုန်းလိုက်တာ၊ ဒါမှမဟုတ် "အဆင်ပြေပါတယ်" ဆိုပြီး ဟန်ဆောင်လှည့်စားထားတာတွေဟာ... နာနေတဲ့ ဆူးပေါ် ပလာစတာလေး လာကပ်ထားရုံပဲ ရှိပါတယ်။ "သောကရဲ့ အမြစ်ကို မတွေ့သရွေ့... စစ်မှန်တဲ့ ငြိမ်းချမ်းမှုကို ဘယ်တော့မှ တွေ့နိုင်မှာ မဟုတ်ပါဘူး" ဒါကြောင့် စိတ်အစဉ် ပူလောင်လာတဲ့အခါ... ကိုယ့်စိတ်ကို နူးနူးညံ့ညံ့လေး ပွေ့ဖက်ပြီး ရင်ဘတ်ထဲကို ငြိမ်ငြိမ်လေး မေးကြည့်ပါ။ 💞”တကယ် နာကျင်စေတာ ဒီဖြစ်ရပ်လား... ဒါမှမဟုတ် လက်မလွှတ်နိုင်တဲ့ စွဲလမ်းမှု ကြောင့်လား?" 💞”တကယ် ပူလောင်နေရတာ အပြင်လူတွေကြောင့်လား... ဒါမှမဟုတ် ကိုယ့်မျှော်လင့်ချက်အတိုင်း ဖြစ်မလာလို့ ဝမ်းနည်းနေရတာလား?" သတိတရားလေးနဲ့ နူးညံ့စွာ ငေးကြည့်ရင်း သောကရဲ့ မူလဆူးအမြစ်ကို ရှာတွေ့ပြီး သတ္တိရှိရှိ လွှတ်ချလိုက်တဲ့နေ့ဟာ... ရင်ဘတ်ထဲမှာ အေးချမ်းတဲ့ ပန်းလေးတွေ စတင် ပွင့်လန်းလာမဲ့ နေ့လေးပါဘဲ။ - @panthitsar343