හෙටක් ගැන හීන දකින අපි… 🥺💭 ජීවිතේ කොයි මොහොතක නවතීද කියලා නොදැන, අපි තවමත් හෙට ගැන හීන දකිනවා… 🥺💭 හෙට උදේ නැගිටලා කරන්න තියෙන වැඩ ගැන හිතනවා, ඉදිරියේදී යන්න තියෙන ගමන් ගැන හිතනවා, ගන්න තියෙන දේවල් ගැන හිතනවා, හදන්න තියෙන ජීවිතයක් ගැන හිතනවා… ඒත් ඇත්තටම, අපිට හෙට උදේ ඇස් දෙක අරින්න ලැබෙයිද කියලා කිසිම සහතිකයක් නෑ… 🥀 ඒක දැන දැනත් අපි අද දවස හෙටට කල් දානවා… “පස්සේ කරමු…” “හෙට බලමු…” “ඉස්සරහට වෙලාව තියෙනවා…” කියලා ජීවිතේ ලස්සනම මොහොතවල් අපි නොදැනුවත්වම කල් දානවා… ආදරේ කරන කෙනාට කියන්න ඕන වචන හිතේ තියාගෙන ඉන්නවා… අම්මාට, තාත්තාට කියන්න ඕන ආදරේ හෙටට කල් දානවා… යාලුවෙක්ට “උඹ මට වටිනවා” කියන්න ලැජ්ජාවෙන් නිහඬ වෙනවා… කෙනෙක්ගෙන් සමාව ගන්න ඕන නම් “පස්සේ කියන්නම්” කියනවා… ඒත් ජීවිතේ කියන්නේ අපි හිතන තරම් දිග ගමනක් නෙවෙයි කියලා අපිට තේරෙන්නේ සමහර වෙලාවට අහිමි වීමක් අපේ ඇස් ඉස්සරහා නතර වුණාට පස්සේ… එදාට කියන්න තිබුණු වචන ගොඩක් තිබුණත්, අහන්න හිටපු කෙනා නැති වෙන්න පුළුවන්… වැළඳගන්න හිටපු කෙනා දුර වෙලා තියෙන්න පුළුවන්… “ආයෙත් හම්බෙමු” කියපු කෙනෙක් ආයෙත් කවදාවත් හම්බෙන්න නොලැබෙන්න පුළුවන්… 💔 ඒ නිසාමයි ජීවිතේ ගැන හිතද්දි හිතට මේ තරම් බරක් දැනෙන්නේ… අපි හැමෝම අනාගතය වෙනුවෙන් අද දවස කැප කරනවා… හොඳ ගෙයක්, හොඳ රස්සාවක්, සල්ලි, සාර්ථකත්වය, ලස්සන ජීවිතයක්… ඒ හැමදේම හොයන අතරේ අපිට දැනෙන්නේවත් නැතුව අපේ අතේ තිබුණු අද දවසේ සතුට අපෙන් ගිලිහෙනවා… අන්තිමට අපි හීන දැකපු හෙට ආවත්, ඒ හෙට දවස භුක්ති විඳින්න අපි ළඟ හිටපු සමහර මිනිස්සු නොසිටින්න පුළුවන්… 🥺 ඒ නිසා හෙට ගැන හීන දකින්න… ඒත් අද දවස අමතක කරන්න එපා… ආදරේ කරන කෙනෙක් ඉන්නවා නම් ආදරෙයි කියන්න… මතක් වෙන කෙනෙක් ඉන්නවා නම් මතක් වුණා කියලා කියන්න… සමාව ඉල්ලන්න ඕන කෙනෙක් ඉන්නවා නම් අදම සමාව ඉල්ලන්න… අම්මාගේ අත අල්ලන්න, තාත්තා එක්ක ටික වෙලාවක් කතා කරන්න, යාලුවෙක් එක්ක හිනාවෙන්න… මොකද, ජීවිතේ අපිට “තව ටික වෙලාවක් තියෙනවා” කියලා පොරොන්දුවක් දීලා නෑ… අපිට තියෙන්නේ මේ මොහොත විතරයි… මේ හුස්ම විතරයි… මේ දවස විතරයි… ❤️‍🩹 හෙට ගැන හීන දකිමු… ඒත් අද දවස හෙටට ණය කරලා නොතබමු… මොකද, කොයි මොහොතක ජීවිතේ අවසන් පිටුව පෙරළෙයිද කියලා නොදැන, අපි තවමත් ඊළඟ පරිච්ඡේදය ලියමින් ඉන්නවා… ඒක තමයි ජීවිතේ තියෙන ලස්සනමත්, ඒ වගේම දුකමත් සත්‍යය… 🥺🖤❤️‍🩹 #popular #xyow_2 #fypage - @xyow_2