@apple243385: လူတစ်ယောက်က ကိုယ့်အပေါ် မေတ္တာရှိတာတွေ မရှိတာတွေ ခဏထား၊ကိုယ့်အပေါ် စေတနာရှိ/ မရှိက အရေးအကြီးဆုံးပဲနော်။ ကျွန်မရဲ့ အလွန်ကိုမှ Toxic ဆန်သော Past Relationship Breakup ဖြစ်တုန်းက သူငယ်ချင်းတစ်ယောက် ပြောခဲ့တာလေးတောင် ပြန်သတိရသွားတယ်။ "နင်ကသာ မသုံးရက် မစွဲရက်နဲ့ သူ့ကို သိန်းနဲ့ချီ အကုန်ခံပြီး ဟိုဟာဝယ်ပေးလိုက်၊ ဒီဟာဖြည့်ဆည်းလိုက်နဲ့ လုပ်နေတာ၊ သူကဖြင့် နင့်ကို ပြတ်တဲ့အထိ ဘာတစ်ခုမှတောင် မပေးဖူးဘူးနော် နင်သကြားလုံး တစ်လုံးတောင် မရဖူးဘူးမလား" တဲ့။ အဲ့တုန်းကတော့ သိပ်နားမလည်ဘူး။ သူအဆင်မပြေလို့ ဘာမှ မပေးတာနေမှာပေါ့လို့ တွေးခဲ့ပေမဲ့ အခုနောက်ပိုင်းမှ နားလည်သွားတာက ကိုယ့်အပေါ် စိတ်ရင်းစေတနာ မရှိတာပါပဲ။ စေတနာဆိုတဲ့နေရာမှာလေ ကိုယ့်ကို ရုပ်ဝတ္ထုပစ္စည်းတွေ ပေးကမ်းနေမှ မဟုတ်ဘူးနော်။ စိတ်ရင်းစေတနာလေးကိုပြောတာ။ ကိုယ့်ကို တော်စေချင်တယ်၊ အောင်မြင်စေချင်တယ်၊ ကောင်းစေချင်တယ်၊ ပျော်စေချင်တယ်၊ နေကောင်းကျန်းမာစေချင်တယ်...ဒါလည်း စေတနာပဲ။ စားကောင်းတာ တစ်ခုခုတွေ့တဲ့အခါ ကိုယ့်ကို စားစေချင်တယ်၊ ကျွေးချင်တယ်၊ လိုက်ဖက်တာလေးတွေ တွေ့တဲ့အခါ ဝတ်စေချင်တယ်၊ သုံးစေချင်တယ်။ ရုပ်ဝတ္ထုပစ္စည်းတွေ အများကြီး မပေးနိုင်ရင်တောင်မှ စိတ်လုံခြုံစေချင်တယ်၊ နွေးထွေးစေချင်တယ်၊ စကားကောင်းတွေ ပြောပေးတယ်...အဲ့ဒါလည်း စေတနာပဲနော်။ လူတစ်ချို့ကကျ အယူပဲ ရှိတာ။ အပေးမရှိဘူး။ သူများဆီကပဲ လိုချင်တာ။ ကိုယ်ကပြန်မပေးချင်ဘူး။ မရှိရင်လည်း မရှိလို့ အကြောင်းပြပြီး ရှိလာပြန်တော့လည်း မသိချင်ယောင် ဆောင်နေတတ်ကြတယ်။ မရှိလို့ မပေးတာ၊ မရှိလို့ မကျွေးတာထက် တစ်ချို့ကျတော့လေ ရှိနေရက်နဲ့ ဆယ့်ခါတစ်ခါ ကိုယ့်ကို မုန့်ကလေး တစ်ခါပြန်ကျွေးဖို့၊ ကိုယ်ကဆယ်ခါပေးလို့တောင် ကိုယ့်ကို တစ်ခါတောင်မှ ဘာမှ ပြန်မပေးဘူး၊ နောက်ဆုံးကွယ် ဘာပိုက်ဆံမှ မကုန်ကျတဲ့ စိတ်ကလေးကိုတောင် မပျော်ရွှင်စေဘူး၊ စိတ်ဒုက္ခပဲပေးနေတယ် ဆိုတာဟာ အရှင်းဆုံး ပြောရရင် ကိုယ့်ကို စေတနာ မရှိလို့။ စေတနာတောင်မရှိတာ မေတ္တာရှိဖို့ဆိုတာ ဝေးလာဝေးနော်။ စေတနာရှိလို့သာ မေတ္တာတွေပေးချင်တာ... စေတနာရှိလို့သာ ပျော်ရွှင်စေချင်တာ... စေတနာရှိလို့သာ ငါတိို့ချစ်ရတဲ့သူတွေကို အစစ အရာရာ လိုသေးမရှိအောင် ဖြည့်ဆည်းပေးချင်ကြတာ... တစ်ဦးက စေတနာ တစ်ဦးက မေတ္တာပဲ... အသွားအပြန်လေးတောင်မှ မရှိတဲ့ ချစ်ခြင်းမေတ္တာဆိုတာ အလကား။ ငါကချည်း ပေးဆပ်မှာဟဲ့ဆိုပြီးလည်း မေတ္တာရှင်မလေး သွားလုပ်မနေနဲ့။ ကြာလေကြာလေ လူရောစိတ်ပါ လုံးပါးပါးပြီး mental health ထိခိုက်လာလိမ့်မယ်။ အဲ့ဒါကြောင့်လေ ကိုယ့်ဘဝထဲရှိနေတဲ့ ဆက်ဆံရေးတွေအပေါ် ပြန်သုံးသပ်ကြည့်။ ငါကချည်းပေးနေရတာလား။ ကိုယ့်အပေါ် စေတနာရှိရဲ့လား။ မေတ္တာရှိဖို့ထက် ကိုယ့်ကိုတောင်မှ စေတနာ မရှိဘဲကိုယ့်ဆီကဟာ သူ့အိတ်ထဲပဲ ထည့်ဖို့ပဲ စဉ်းစားနေတဲ့သူဆိုရင် ဘာကြောင့်များ ကိုယ့်ဘဝ ထဲ ထားနေဦးမလဲကွယ်...ထားပေးနိုင်သူဟာ အလိုချိုတဲ့ အယ်လို့အရာကိုမှ ကိုယ့်ကို မပေးနိုင်ဘူး။ အမြဲမှတ်ထား ဘာပိုက်ဆံမှ မကုန်ကျတဲ့ စိတ် ကလေးကိုတောင် လုံခြုံနွေးထွေးအောင်၊ ပျော်ရွှင် အောင် မထားပေးနိုင်သူဟာ ဘဝနဲ့ချီတဲ့ ဘယ်လို အရာကိုမှ ကိုယ့်ကို မပေးနိုင်ဘူး။

6500

251

There are no more comments for this video.

To see more videos from user @apple243385, please go to the Tikwm homepage.