ستيك مع صلصة التشيميتشوري، وماش بوتيتو كريمممي بشكل 😍 ألذ ألذ طريقة جربتها للماش بوتيتو كريمية وناعمة وتذوووب 🔥♥️ - صوص التشيميتشوري 🌿 • ¾ كوب بقدونس مفروم ناعم • ¼ كوب كزبرة مفرومة ناعم • 3 فصوص ثوم مفرومة • نص ملعقة صغيرة أوريغانو مجفف • نص ملعقة صغيرة فلفل أحمر مجروش • ملعقة ونص كبيرة خل تفاح • ملعقة كبيرة عصير ليمون • ثلثي كوب زيت زيتون • ملح وفلفل أسود حسب الرغبة • نفرم البقدونس والكزبرة والثوم بالسكين فرم ناعم. • نضيف عليهم الأوريغانو والفلفل المجروش والخل والليمون والملح والفلفل الأسود ونخلط. • نضيف زيت الزيتون بالتدريج لين نوصل للقوام اللي نحبه. • ندخله الثلاجة لحين وقت الإستخدام. - الماش بوتيتو 🥔 • 600 غرام بطاطس • 90 غرام زبدة غير مملحة • 105 مل كريمة خفق دافية • شىي مبح • ملح لموية السلق • تشايفز للوجه اختياري • نقشر البطاطس ونقطعها قطع متوسطة ومتقاربة بالحجم. • نحطها بقدر ونغطيها بموية باردة ونملح الموية كويس، وبعدها نخليها تغلي على نار متوسطة لين تستوي وتصير طرية (تقريباً تاخذ ٢٠ دقيقة) • نصفي البطاطس من الموية ونهرسها وهي حارة، وبعدها نضيف الزبدة ونخلط بهدوء لين تذوب تمامًا. • نضيف الكريمة الدافية بالتدريج لين نوصل لقوام كريمي وناعم، وبالأخير نضبط الملح. • نحط البطاطس المهروسة في صفاية ونضغط عليها لين تطلع ناعمة من الجهة الثانية، وهذي الخطوة هي اللي بتعطينا ماش بوتيتو كريمي - بطاطس كريسبي 🍟 • 500 غرام بطاطس مقطعة مكعبات • 1½ ملعقة كبيرة زيت زيتون • ½ ملعقة صغيرة بودرة ثوم، بابريكا، كيجون • ملح وفلفل أسود • نقطع البطاطس مكعبات متقاربة بالحجم ونسلقها بموية مملحة تقريبًا 5–7 دقايق بس، ما نبغاها تستوي بالكامل. • نصفيها كويس ونخليها تنشف شوي، ونخلطها مع زيت الزيتون والبهارات • نفردها بصينية بدون ما تتكدس وندخلها فرن محمى مسبقًا على 425°F تقريبًا 30–40 دقيقة ونقلبها بالنص. • الستيك🥩 • ريب آي ستيك • ملح وفلفل أسود • نص ملعقة صغيرة زيت • زبدة • فصين ثوم • روزماري • ننشف الستيك كويس من الجهتين ونتبله بالملح والفلفل الأسود، وبعدها ندهنه بطبقة خفيفة من الزيت. • نحمي الطاوة على نار متوسطة إلى عالية، ونحط الستيك ونخليه يتحمر من الجهة الأولى، بعدها نقلبه على الجهة الثانية. • آخر الطبخ نوطي النار ونضيف الزبدة والثوم والثايم، ونميل الطاوة ونسقي الستيك بالزبدة. • مدة الطبخ تعتمد على سماكة الستيك ودرجة الاستواء اللي تحبوها، لكن أنا خليته دقيقتين على كل وجه لأن الستيك عندي كان ضعيف. وبالأخير نحط الماش بوتيتو، جنبه الستيك ونوزع عليه التشيميتشوري، ونضيف البطاطس الكريسبي. وبالعافية #steak #mashedpotatoes #وصفات #طبخ #fyp - @aisha.alharbi95