@fuad3ziz: كيف تعرف متى تستخدم ChatGPT ومتى تستخدم Claude؟ أغلب المقارنات تسأل أيهم أذكى، وهذا سؤال بلا جواب ثابت لأن كل شهرين يتقدم واحد على الثاني. أنا مشترك في الاثنين وأستخدمهم كل يوم، وما أختار بالذكاء، أختار بشكل ونوع المهمة. في الفيديو جربت قدامكم نفس الطلب بالحرف على الاثنين، طلبت صورة أرنب في حقل. ChatGPT طلع لي صورة فوتوغرافية جاهزة، وClaude قال لي بالحرف إنه ما يقدر يولد صور فوتوغرافية لكنه يرسم بصيغة SVG، وطلع لي رسمة أقدر أكبرها ما تخرب وأغير ألوانها. الفرق مو مين أشطر، الفرق شكل الناتج، واحد يعطيك شي جاهز تاخذه وخلاص والثاني يعطيك ملف تشتغل عليه. والحالة الثالثة اللي أغلب الناس تغفل عنها هي لما يكون شغلك على ملفاتك اللي على جهازك أنت، وهنا الاثنين بشكلهم العادي ما يشتغلون على مجلدك، ترفع نسخة ويشتغل عليها في مكان معزول وتنزل الناتج بيدك، وتقفل المحادثة كل شي يروح. احفظه بترجع له أول مرة تحتار أي واحد تفتح. #فؤاد_يبني #claude #chatgpt #ذكاء_اصطناعي #كلود_كود

فؤاد عبدالعزيز | AI

Open In TikTok:

Region: SA

Saturday 15 August 2026 18:33:33 GMT