ဝမ်းတွင်းမြို့သဘင်ည လေးညကတော့ အောင်အောင်မြင်မြင် ပျော်ပျော်ရွှင်ရွှင်နဲ့ပြီးဆုံးသွားခဲ့ပါပြီ...။ သဘင်ရာသီအစ ဒုတိယပွဲစဉ်မှာတင် ဝမ်းတွင်းမြို့လေးမှာကမယ်ဆိုတော့ ပထမပိုင်းတော့စိတ်ပူတာပေါ့လေ။စိတ်ပူတယ်ဆိုတာတခြားမဟုတ်ပါဘူး။ဝမ်းတွင်းမြို့ဆိုတာ လူရိုးလူမှန်တွေနေတဲ့မြို့၊မြို့သူမြို့သားအားလုံးကလည်း အလုပ်ကြိုးစားကြတယ်။သဘာဝအထည်အလိပ်လုပ်ငန်းတွေတွင်ကျယ်ပြီးဇာတ်ကိုဇာတ်နဲ့တူအောင်ကမှကြိုက်တဲ့မြို့။အောင်ဇမ္ဗူတို့ကမယ့် မြတ်ညီနောင်ဘုရားပွဲဆိုတာလည်း တကယ့်သမိုင်းဝင်စေတီတစ်ဆူမို့ တော်ရုံပေါ့တီးပေါ့တန်နဲ့သွားကလို့တော့မဟန်လောက်ဘူးပေါ့။ ဇာတ်မကခင်ရက်တွေမှာဘဲ ဂယက်တွေကလည်းသိတဲ့အတိုင်းပါဘဲ။ဆည်ရေဖောက်ချလိုက်ရတာတွေ၊ရေကြီးမိုးကြီးပြီး လာကြည့်မယ့်ပရိတ်သတ်တွေကိုအဟန့်အတားဖြစ်စေမယ့် fake newsပေါင်းများစွာနဲ့ ပထမပွဲစဉ်ညမှာဘဲ အောင်ဇမ္ဗူဆိုတာဘာလဲ ပြသသွားနိုင်ခဲ့ပါတယ်။ ညဆိုပွဲက တစ်မနက်ခင်းလောက်အိပ်ပြီး ညနေသုံးနာရီဆို အကတိုက်နေတဲ့ ဇာတ်ဆရာဇာတ်မင်းသားလေးကိုလာကြည့်ကြပြီး အလုပ်ကြိုးစားတဲ့မြို့ခံတွေက အလုပ်ကြိုးစားတဲ့ဇာတ်ဆရာဇာတ်မင်းသားကို ထပ်မံသဘောကျအကြိုက်တွေ့ကြရပြန်တယ်။ ဝမ်းတွင်းသဘင်ညလေးညမှာ အောင်ဇမ္ဗူကတော့ ‌စီးနေတဲ့ရေလိုပါဘဲ။အမြဲစီးဆင်းနေတော့သန့်ရှင်းသလို သူ့ကိုယ်သူအမြဲ upgrade ဖြစ်အောင်လုပ်နေတဲ့သူမို့ ပွဲစဉ်လေးညစလုံး လိုအပ်ချက်အနည်းဆုံး ပရိတ်သတ်အကျေနပ်ဆုံးဖြစ်အောင် ခွန်အားရှိသလောက်နဲ့ကပြဖျော်ဖြေသွားပါတယ်။ သဘောကျအနှစ်ခြိုက်ဆုံးကတော့ ချစ်ခြင်းတရားတွေပါ။အောင်ဇမ္ဗူရဲ့ဖြည်းဖြည်းနဲ့မှန်မှန်လှမ်းလာတဲ့ချစ်ခြင်းတရားတွေပေါ့။ ကိုယ်ခံစားမိသလောက်ကတော့ တချို့အရင်ကလက်မခံတဲ့လူတွေအသိအမှတ်ပြုလာကြတယ်။negative လို့ကြားထားတဲ့တချို့အချက်တွေက လက်တွေ့မျက်မြင်တွေ့လိုက်ရတဲ့အခါ positive ဖြစ်သွားကြတယ်။ဒါတွေကို တကူးတက review ရိုက်တင်တာမဟုတ်တဲ့ ဝမ်းတွင်းသဘင်လေးညမှာတက်လာတဲ့ videoလေးတွေမှာတွေ့နိုင်ပါတယ်။ ကိုယ်ကတော့ယုံကြည်ပါတယ်။တစ်‌နေ့ကျ ဒီကလေးဟာ မေတ္တာတရားကြီးကြီး သည်းခံခြင်းတရားခိုင်ခိုင်မာမာနဲ့ ချစ်ခြင်းတရားတွေရှိတဲ့အရပ်ဆီကို သူတည့်တည့်မတ်မတ်လျှောက်လှမ်းသွားနိုင်မယ်ဆိုတာ...။ လုံးဝဥသုံတော့ အတိုက်အခိုက်တွေဆိုတာ ကင်းရှင်းမှာတော့မဟုတ်ဘူးပေါ့။ခုလည်းရှိတယ်။နောင်လည်းရှိနေမှာဘဲ။ဒါပေမယ့် အတော်များများကိုတော့ အောင်ဇမ္ဗူက ရှင်းလင်းနိုင်သွားလိမ့်မယ်။ဘာနဲ့လဲဆိုရင် မေတ္တာလက်နက်နဲ့ပေါ့။ ဒါ့ကြောင့်မေတ္တာနဲ့သာ အနိုင်ယူပါအောင်ဇမ္ဗူ🤍✨ @AUNG 7A BU #aungzabu #အောင်ဇမ္ဗူဇာတ်သဘင် #ဝမ်းတွင်းမြို့ #fyp မူရင်းvideoတင်သူများကို credit ပေးပါတယ်ရှင်🙏 - @moes8799