ကျူးလွန်သူတွေက နစ်နာသလို ဟန်ဆောင်ပြတဲ့အခါ ဒေါသထွက်ပြီး မပေါက်ကွဲလိုက်ပါနဲ့။ တိတ်ဆိတ်ခြင်းနဲ့ဘဲ အေးအေးချမ်းချမ်းပြုံးနေလိုက်ပါ။ ဖြစ်ပျက်ခဲ့တဲ့ အရာအားလုံးကို ကိုယ်ကိုယ်တိုင်သိသလို သူတို့ လည်း သိပါတယ်။ ပြီးတော့ ဝဋ်ကြွေးဆိုတဲ့အရာကလည်း သိပါတယ်။ ကိုယ့်ကို မရွေးချယ်ခဲ့တာကိုလည်း အပြစ်မတင်ပါနဲ့။ မျှော်လင့်ချက်ထားမိတဲ့ ကိုယ့်စိတ်ကိုဘဲ ထိန်းသိမ်းလိုက်ပါ။ အတိတ်ဘဝက ကိုယ်မကောင်းခဲ့လို့ မကောင်းတဲ့သူနဲ့ ဆုံခဲ့ရတယ်လို့ နှလုံးသွင်းနိုင်တဲ့အခါ အေးချမ်းမှုရပါလိမ့်မယ်။ ကျူးလွန်သူတွေဟာလည်း ကျူးလွန်ခဲ့တဲ့အရာတွေအတွက် အမြဲတမ်းပျော်နေရပါလိမ့်မယ်လို့ မထင်ပါနဲ့။ ကျိန်စာလည်း မတိုက်ပါနဲ့ ဆုလည်းမတောင်းပေးပါနဲ့ ကိုယ့်ထံကို ပြန်လာနိုင်တဲ့ မည်သည့်အမှုမျိုးကိုမှ မပြုလုပ်တာ အကောင်းဆုံးနဲ့ အငြိမ်းချမ်းဆုံးပါ။ ဘဝအသစ်တခုကို လိပ်ပြာလုံလုံနဲ့ စတင်ခွင့်ရတာဟာ ကံကောင်းခြင်းတမျိုးဘဲ မဟုတ်လား။ လှလှပပရှင်သန်ပြပါ၊ အေးအေးချမ်းချမ်းနေထိုင်သွားပါ၊ ပူလောင်မှု စိုးစဉ်းမျှ မရှိအောင်သာ နေထိုင်ပါ။ ကိုယ့်အနီး နားမှာ အခုချိန်ထိ ရှိနေတဲ့အရာတွေကို အရင်ကထက်ပိုချစ်ပါ။ အကောင်းမြင်စိတ်ကို မွေးနိုင်သလောက်မွေးပါ။ ကျွန်တော်တို့ရလိုက်တဲ့ အခွင့်ရေးတွေကို အကျိုးရှိရှိ အသုံးချ လိုက်ပါ။ ကိုယ့်စိတ်အတွက် အညစ်ကြေးဖြစ်စေမဲ့အရာအားလုံးကို ရောက်လက်စနေရာမှာ ထားခဲ့ပါ။ ထားခဲ့ခံရသူတွေမှာလည်း ထားခဲ့ရမယ့်အရာတွေ ရှိသင့်တယ်မလား။ - @thihazkblw3