@kh0dm: «خۆزگە هەموو پیاوێک لە وەفاداری و عەشقدا، کەمێک لە باوکمی تێدا بووایە...» ڕۆژێکیان لەگەڵ دایکم دانیشتبووین، لێم پرسی: «دایکە، چۆن لەگەڵ باوکم ڕێگەی عەشقتان دەست پێکرد؟» دایکم بە زەردەخەنەیەکی پڕ لە یادگاری و میهرەبانییەوە دواندومی و گوتی: «چیرۆکی ئێمە لە ئازار و ئاوارەیییەوە سەری هەڵدا. ئەو کاتانەی لە کەرکوک بووین، دایکم خەیاتی دەکرد و باوکت لە ئێرانەوە ڕێگەی قاچاخی گێرابووە بەر. براکەی باوکت بە بێتاوانی لە بەندینخانەی کەرکوک زیندانی کرابوو؛ ماڵباتەکەی لە ناو ئەو هەموو ئاوارەیییەدا بۆ خەیاتێک دەگەڕان و ڕێیان کەوتبووە ماڵی دایکم. کاتێک هاتن و دانیشتن تا جلەکانیان بۆ بدوورێت، باسی دەرد و ئازاری خۆیان کرد... لەوێدا دەستی قەدەر پەرجۆی دروست کرد؛ دەرکەوت ئەو کەسەی لە تەلەفۆنی بەندینخانەکە کاری دەکرد، خاڵم بوو! خاڵم بووە ڕێشاندەری براکەی باوکت و دوای ساڵێک لە ڕەنج و چاوەڕوانی، ئازاد بوو. لە ناو ئەو هەموو ناخۆشییەدا، عەشقێکی پاک لە نێوان من و باوکت چەکەرەی کرد. باوکت نیشتمانی خۆی لە ئێران جێهێشت و هاتە داوام، بەڵام باوکم ڕازی نەبوو. دە ساڵی ڕەبەق... دە ساڵ دووری و تاقیکردنەوە بوو، تا سەرئەنجام باوکم کۆچی دوایی کرد. لەو دە ساڵەدا ڕۆژێک پەیمانەکەی نەشکاند و بەپێوە مایەوە؛ دوای ئەو هەموو ساڵە دیسانەوە هاتەوە و منی کردە موڵکی خۆی، و لە سلێمانی ماڵی عەشقمانی لێ دروست کرد.

سیتا.

Open In TikTok:

Region: IQ

Sunday 16 August 2026 20:13:35 GMT