@sokphlauch5: ចម្រៀងកុមារ​ លំនាំបទផ្កាសារាយ នែមិត្ត​...សុំសួរបានទេ? តេីអក្សរខ្មែរ​ មានប៉ុន្មានតួថ្លៃ? ទាំងស្រៈ​ព្យញ្ជនៈចរណៃ​ សូមមិត្តលកលៃ​ ឆ្លេីយនឹងសំណួរ។ អក្សរ​ ក្នុងភាសាខ្មែរ​ យេីងនាំគ្នាថែ​ មាន៧១តួ ព្យញ្ជនៈ៣៣តួ​ ឯស្រៈពេញតួ​ ១៥ណាមិត្ត។ ស្រៈនិស្ស័យ​ សម័យនេះណា​ ពួកយេីងកុមារដឹង២៣ពិត តទៅជំនុំបណ្ឌិត​ មិនដឹង​ ប្រាជ្ញព្រឹទ្ធកែខៃយ៉ាងណា! ។ អរគុណ​ ចំពោះចម្លេីយ​ ដែលមិត្តបានឆ្លេីយ​ មូលអក្សរខេមរា ព្យញ្ជនៈប្រេី​ មូសិកទន្ដា​(") និងត្រី(៊)​ណា​ មានប៉ុន្មានជីវី? ព្យញ្ជនៈ​ មាន៧តួ​ សូមឆ្លេីយសំណួរ​ ប្រេីសម្លាប់ពីរ​ (") ៤តួ​ ប្រេីត្រី៊​ ពេញទី​ បុរសនារី​ ត្រូវចងចាំទុក។ ព្យញ្ជនៈជាអឃោសា​ មានប៉ុន្មានអក្ខរា​ ប្រាជ្ញប្រាប់ទំនុក? ឃោសា​ គឹកកងគ្រលក់​ ប្រាជ្ញបានផ្ដាំទុក​ មានប៉ុន្មានដែរថ្លៃ? ព្យញ្ជនៈ​ សូរសម្លេងតូច​ មិនគឹកកងដូចឃោសាពិសី មាន១៥តួចរណៃ​ ឃោសា​ ១៨​ ឆ្លេីយតាមប្រាជ្ញប្រាប់។ អរគុណ​ ណាស់មិត្តសម្លាញ់​ ខ្ញុំអស់ទោមន្នេញ​ ពេលខ្ញុំបានស្ដាប់​ កុមារយេីងរៀនសារសព្ទ​ តាមមាគ៌ាច្បាប់​ អក្សរសាស្ត្រខ្មែរ​។ ស្រៈបន្ថែម​ របស់ខេមរា​​ សូមមិត្តវាចា​ មានប៉ុន្មានតួដែរ​? សូមមិត្ត​ឆ្លេីយប្រាប់​ហូរហែ​ ស្រៈបន្ថែម​ខ្មែរ​ នោះគឺយ៉ាងណា​? -ស្រៈបន្ថែម​ បេីតាម​ពិនិត្យ​ អ្នកប្រាជ្ញ​បណ្ឌិត​ បានពោលទុកថា​ គឺមាន៤ អក្ខរា​ ពួកយេីងកុមារ​ ចងចាំទុកអេីយ! ។ -ស្រៈបន្ថែម​ បំពេញ​សេចក្ដី​ អ្នករៀនប្រុសស្រី​ ពិតដឹងច្បាស់ហេីយ​ ិះ​ +ែះ​ ឹះ​ ឺះ​ មិត្តអេីយ! មិនត្រូវព្រងេីយ​ រៀនឱ្យចាំស្ទាត់។ ដោយ​ ព្រះគ្រូសិរីវិមលបញ្ញា​ សុខ​ ផ្លូច​ វត្តស្រែល្អ​

សុខ ផ្លូច វត្តស្រែល្អ

Open In TikTok:

Region: KH

Monday 17 August 2026 05:58:45 GMT