أسهل طريقة لعمل دبل سماش برجر، لذيذ بشكل ما تتخيلونه 🍔🤤 المكونات: 🥩 اللحم لحم بقر أنجوس 80/20، يعني 80% لحم و20% شحم. وهذي بالنسبة لي أفضل نسبة لعمل البرجر، لأن الشحم يخلي البرجر طري ومب ناشف ويعطيه طعم رهيب. وبالنسبة للوزن، خلوا كل كرة لحم بين 60 إلى 70 جرام، عشان يوم نضغطها تطلع لنا شريحة سماش رفيعة، وبما إنه دبل برجر بنحتاج كرتين لحم لكل برجر. 🧀 الجبن دايماً أنصح بجبن الشيدر الأمريكي، خصوصاً للسماش برجر لأنه يذوب بسرعة وطعمه يضبط وياه، ولكن هذا ما يمنع إنكم تستخدمون أي نوع جبن متوفر عندكم. 🧂 التبهير أرجوكم، فقط رشة ملح وفلفل أسود 😂 البرجر ما يحتاج أكثر عن هالشي، وأي بهارات ثانية بتغير الطعم وبتحول البرجر إلى كفتة أو كباب. 🍞 الخبز أنا دايماً أفضل خبز البرجر اللي فيه سمسم، وعقبه خبز البطاطا لأنه طري جداً وخفيف. أما البريوش أحسه شوي ثقيل، خصوصاً إن كمية الزبدة فيه كبيرة، وهذا الشي بالنسبة لي يضايق في الأكل. 🥒 المخلل بالنسبة لي أعشق المخلل في البرجر وأحس إنه يكمل الطعم. وفي أكثر عن طريقة نقدر نسوي فيها مخلل لذيذ، لكن أنا دايماً أنصح بمخلل الشبت متوسط الملوحة. وهذي المرة سويت أسرع طريقة للمخلل، لأن الدنيا كانت ليل وكنت أبغي أخلص بسرعة 😂 وبكل أمانة طلع لذيذ. والحين بالعافية عليكم يا رب 🤍🍔 🥒 طريقة المخلل السريع ● 3 حبات خيار ● ملعقة طعام ملح ● شبت ● ملعقتين طعام خل ● ماء حار نقطع الخيار ونحطه في برطمان مع الشبت والملح والخل، وعقب نصب عليه الماء الحار لين يغطي الخيار. نسكر البرطمان عدل ونخليه 10 دقايق، وعقبها يكون جاهز للاستخدام 🤍🥒 طريقة سريعة وبسيطة، والمخلل يطلع لذيذ ومقرمش ويضبط وايد ويا البرجر 🍔 #اكل #وصفات_سريعة #food #burger - @chef.ghaneya.alhos