@mirakitchen_m: 🍫🥐 Evdə hazırlanan şokoladli bulka.Yumşaq, ətirli və içi şokolad dolu 🤎 Bir dilimlə kifayətlənə bilməyəcəksiniz! 😍 #tiktokazerbaycan #kesfett #evdəbişir #resept #şirniyyat Ərzaqlar: 1 ç.q. maya 2 x.q. şəkər 270 q süd (təxminən 1 stəkan + 2 x.q.) 380 q un (təxminən 3 stəkan) 1 ç.q. duz 43 q yumşaldılmış kərə yağı (təxminən 3 x.q.) 2 x.q. kakao tozu Hazırlanması: Bir qabda maya, şəkər və ilıq südü qarışdırın. Unu əlavə edib qarışdırın. Duz və yumşaldılmış kərə yağını əlavə edin. Yağ xəmirə tam qarışana qədər yoğurun. Xəmiri 2 bərabər hissəyə bölün. Bir hissəni sadə saxlayıb üzərini örtün. Digər hissəyə 2 x.q. kakao və 1 ç.q. süd əlavə edib xəmir tam tünd rəng alana qədər yoğurun. Hər iki xəmiri örtüb təxminən 2 saat, yaxud həcmi 2 dəfə artana qədər mayalanmağa qoyun. Un səpilmiş səthdə ağ xəmiri əlinizlə yastılaşdırın. Şokoladlı xəmiri kürə şəklinə salıb ortasına yerləşdirin. Ağ xəmiri şokoladlı xəmirin ətrafında tam bağlayın və sonra xəmiri yayaraq dairəvi forma verin. Üzərinə bir qədər şokolad damlası səpin. Xəmiri şəkildə göstərildiyi kimi 6 üçbucağa bölün. Hər üçbucağın üzərinə 1 x.q. şokolad kremi çəkin və kruassan formasında bükün. Kruassanları perqament kağızı sərilmiş soba listinə düzün. Üzərini örtüb 15 dəqiqə dincə qoyun. Sonra üzərlərinə süd çəkin. Əvvəlcədən 180°C-yə qədər qızdırılmış sobada təxminən 30 dəqiqə, üstü qızılı rəng alana qədər bişirin. Sobadan çıxan kimi üzərlərinə kərə yağı çəkin və isti qalması üçün təmiz mətbəx dəsmalı ilə örtün. 🍫🥐
