ابھی تو مجہے وہ دکھ بہی سہنا ہے جب میں تمہارے ہاتھوں پر کسی اور کے نام کی مہندی دیکھوں گا، تمہیں لال جوڑے میں کسی اور کے ساتھ رخصت ہوتے دیکھوں گا، اور تم اپنی نئی دنیا کو اپنا گھر کہنے لگو گی۔ پھر ایک دن تمہارا شوہر تمہیں محبت سے پکارے گا، تم اُس کی بات پر مسکرا دو گی، تم اُس کے گھر آنے کا انتظار کرو گی، اُس کے لیے دروازہ کھولو گی، اُس کی تھکن اپنے لہجے سے اتارو گی، اُس کے بال سنوارو گی، اُس کی خوشیوں میں اپنی دنیا ڈھونڈ لو گی... اور میں... کسی خاموش کونے میں بیٹھا یہ سوچتا رہ جاؤں گا کہ جس دنیا کو بسانے کا خواب میں نے دیکھا تھا، اُسے آباد ہوتا بھی دیکھوں گا... مگر اُس میں میری کوئی جگہ نہیں ہوگی۔ پھر اللہ تمہیں اولاد عطا کرے گا۔ ایک ننھا سا بچہ تمہیں "امی" کہہ کر پکارے گا، وہ تمہاری انگلی پکڑ کر چلنا سیکھے گا، تم اُس کی ہنسی میں اپنی ساری دنیا تلاش کر لو گی، اور تمہارا گھر اُس کی آوازوں سے آباد ہو جائے گا۔ وقت کے ساتھ تمہاری زندگی آگے بڑھ جائے گی۔ تم نئی خوشیوں میں مصروف ہو جاؤ گی، نئی یادیں بنا لو گی، نئے خواب سجا لو گی... اور شاید میں... میں صرف ایک پرانی یاد بن کر رہ جاؤں گا، جس کا ذکر بھی کبھی کبھار دل کے کسی خاموش کونے میں آئے گا۔ مجھے تمہاری خوشیوں سے کبھی حسد نہیں ہوگا، مگر یہ سوچ کر دل ضرور بھر آئے گا کہ جس زندگی کا میں نے خواب دیکھا تھا، اُس میں میری جگہ کسی اور نے لے لی۔ بس اگر کبھی بارش کی کسی شام، کسی خاموش رات، کسی پرانی گلی، یا کسی بھولی ہوئی خوشبو میں میری یاد آ جائے... تو ایک لمحے کے لیے اتنا ضرور سوچ لینا کہ اس دنیا میں کوئی ایسا بھی تھا جس نے تمہیں اپنی زندگی سے بڑھ کر چاہا تھا، مگر تمہیں اپنی قسمت نہ بنا سکا#emotionalpoetry #poetryrecitation #heartbreakpoetry #ghazalvibes #poetrycommunity - @ma885000