Diqqat! Toshkentdagi maktablarda aqlli kameralar o’rnatila boshlandi Poytaxt maktablarida ta’lim va xavfsizlikni raqamlashtirishga qaratilgan “Aqlli maktab” tizimi bosqichma-bosqich joriy etilmoqda. Hozircha loyiha “Sergeli tajribasi” doirasida sinov tariqasida amalga oshirilmoqda. Sergeli tumanidagi 9–11-sinf xonalarining 345 tasidan 177 tasiga zamonaviy aqlli kameralar o‘rnatilgan. Qolgan xonalarga kameralarni o‘rnatish va ularni tizimga ulash ishlari 25-avgustgacha yakunlanishi rejalashtirilgan. Bu Tizim orqali o’quvchilarning davomatini avtomatik aniqlash, maktab xavfsizligini kuchaytirish, begona shaxslarni aniqlash, o‘quvchilarning darsdagi faolligini tahlil qilish hamda maktabga kirish-chiqishni avtomatik nazorat qilish imkoniyati yaratiladi. Bundan tashqari, tizim orqali farzandining maktabga kelgani va maktabdan ketgani haqida ota-onalarga tezkor xabar yuborish imkoniyati ham yo‘lga qo‘yilishi kutilmoqda. Kameralar maxsus dastur orqali Sergeli tumanida tashkil etilgan Vaziyatlar markaziga integratsiya qilinmoqda. Eng muhimi, bu faqat Sergeli bilan cheklanib qolmaydi. “Sergeli tajribasi” muvaffaqiyatli shakllantirilgach, “Aqlli maktab” tizimini Toshkent shahridagi umumiy o‘rta ta’lim maktablariga bosqichma-bosqich joriy etish ko‘zda tutilgan. Ya’ni kelgusida maktablarda davomatni tekshirishdan tortib, xavfsizlik va kirish-chiqish nazoratigacha bo‘lgan bir qator jarayonlar zamonaviy texnologiyalar yordamida avtomatlashtirilishi mumkin. Ushbu xabarni Toshkentdagi maktablarda o’qiydigan farzandi bor tanishlaringizga yuborib ogohlantrb qoying Zero ogohlik davr talabi Xo‘sh, sizningcha, maktablardagi “aqlli kameralar” o‘quvchilar xavfsizligi va davomatini nazorat qilishda foydalimi? Fikrlaringizni izohlarda yozib qoldiring Poytaxtdagi eng dolzarb va muhokamalarga sabab bo‘layotgan yangiliklarni Toshkentliklar24 kanalida kuzatib boring! - @toshkentliklar24_rasmiy