في العلاقات الصحية، ليس مطلوبًا من الشخص الذي أخطأ أن يوافق على كل رد فعل، لكنه مطالب بأن يحترم أن الألم حقيقي بالنسبة للطرف الآخر. المشاعر لما تكون حقيقية بالنسبة للشخص، هي لا تحتاج إلى محاكمة أو نقاش. أنت ممكن تختلف مع تفسير الشخص للموقف، لكن ما ينفعش تختلف مع حقيقة إنه اتأذى. في العلاقات الصحية، لما يحصل خلاف، أول خطوة مش إنك تشرح موقفك أو تدافع عن نفسك؛ أول خطوة هي إنك تعمل Validation لمشاعر الطرف الآخر: “أنا فاهم إن ده وجعك، وفاهم ليه حسيتِ بكده.” وبعد ما يشعر الشخص إنه مسموع ومفهوم، ساعتها ممكن تشرح وجهة نظرك، أو تبرر تصرفك بدون ما تلغي أثره، وتعتذر عن الجزء اللي سبب الأذى، والأهم إنك توضح إيه اللي هتعمله بشكل مختلف عشان الموقف ما يتكررش. لأن التفسير ليس إلغاءً للأثر. ممكن يكون عندك سبب منطقي لتصرفك، وفي نفس الوقت يكون تصرفك وجع الشخص اللي قدامك. الاتنين ممكن يكونوا صحيحين في نفس الوقت. لأن الشخص الذي تسبب في الألم ليس من حقه أن يحدد للشخص المتأذي حجم ألمه، أو مدة ألمه، أو الطريقة الصحيحة التي يجب أن يتعامل بها معه. في العلاقة الناضجة، بدل ما تقول للشخص: “أنت مكبر الموضوع.” “المفروض تكوني عديتيها.” “أنا اعتذرت، خلاص.” ممكن تقول: “أنا فاهم إن اللي حصل وجعك، حتى لو ما كانش ده قصدي. ممكن أشرح لك ليه تصرفت كده، لكن ده مش معناه إن مشاعرك مش من حقك. أنا آسف على الأثر اللي سببتُه، وهحاول ما أكرر ده تاني.” وده هو الفرق بين إنك تدافع عن نفسك، وإنك تتحمل مسؤولية مشاعرك وتصرفاتك من غير ما تنكر مشاعر الشخص اللي قدامك. - @basma.eldesoukyy