【東張西望】港女食雞飯驚變「海南機飯」外賣盒底藏泰文手機事主曾小姐向《東張西望》報料，語喺8月14日下午於荃灣區點咗一份海南雞飯外賣，食飯時本來冇異樣，點知食到盒底時，卻發現有東西凸起，最後發現竟然係一部螢幕顯示為泰文嘅手機。之後有人致電該手機，事主接聽後向來電者解釋自己喺飯盒底搵到呢部電話。來電者自稱係電話主人嘅朋友，一開始要求事主將電話送返餐廳，之後改口向事主詢問住址，親自上門收回電話。來電者上門後向事主致歉，更喺事主交還電話後俾100蚊作賠償。由於對方態度良好，事主決定唔繼續追究。事件被事主擺上網後引嚟唔少網民調侃「泰有Phone味」等。《東張》向涉事餐廳查詢，未獲店員正面回應，雖然有留下聯絡方法，但截至發稿後都未獲店主回覆。 #東張西望 #TVB #外賣 #烏龍 #手機 - @jaimieyeeyee