ብዙ ሴቶች የአንድ ወንድ የትዳር ምርጫ ምን ላይ እንደሚመሰረት አይገባቸውም። “ቆንጆ ነኝ፣ እወደዋለሁ፣ እሱም ይወደኛል፣ ትዳርም እፈልጋለሁ፤ ታዲያ ምን ይጎድለኛል?” ይላሉ። ነገር ግን ትዳር የፊት ውበት የሚመዘንበት መስፈርት አይደለም። ለአቅመ ሄዋን መድረስም ብቻውን በቂ መስፈርት አይደለም። መዋደድም ብቻውን ትዳርን ለመሸከም ዋስትና አይሆንም። አንድ ወንድ አንዲትን ሴት ለትዳር ሲያስብ የሚያየው ፊቷን ብቻ አይደለም። ከፊቷ በኋላ ያለውን ሰውነት ይመለከታል። ውበት ዓይንን ይስባል፤ ባህሪ ግን ልብን ያስቀምጣል። አንድ ወንድ ለትዳር የሚመርጣት ሴት በችግር ጊዜ እንዴት እንደምትሆን ያስባል። ሁሉም ነገር ሲስተካከል ከጎኑ መቆም ቀላል ነው፤ ነገር ግን ሕይወት ሲከብድ እጁን የምትይዝ ሰው መሆኗን ይፈልጋል። በደስታው ጊዜ የምትስቅለት ብቻ ሳትሆን፣ በመከራው ጊዜ የምታጽናናው መሆኗን ይመዝናል። ሲቆጣ ወይም ሲበሳጭ እንዴት ትናገራለች? ከእሱ ጋር ብትለያይ ክብሩን ትጠብቃለች? ሚስጥሩን ትጠብቃለች? በሌለበት ስለ እሱ እንዴት ትናገራለች? ገንዘብ ሲበዛ ብቻ ትደሰታለች ወይስ አብራ ለመገንባት ትችላለች? እነዚህ ናቸው የሚመዘኑት። ምክንያቱም ትዳር አብሮ ፎቶ መነሳት አይደለም። አብሮ ሕይወት መሸከም ነው። አንዲት ሴት ቆንጆ ልትሆን ትችላለች፤ ግን ቆንጆ ባህሪ ከሌላት ውበቷ ትዳርን ለመጠበቅ አይበቃም። አይኗ ስለሚያም ልትቁለጨለጭ ትችላለች። ዳሌዋ ስላማረ ልትገላበጥ ትችላለች። ነገር ግን እሱ ለስሜት እንጅ ለትዳር መስፈርት አይሆንም ። ይህ ማለት ቁንጅና ወይም ተክለ ቁመና አያስፈልግም ማለት አይደለም ግን የመጀመሪያና ዋነኛው አይደለም። በጣም ልትወደው ትችላለች፤ ግን ፍቅርን በክብር፣ በታማኝነትና በትዕግሥት መጠበቅ ካልቻለች ፍቅሯ ብቻውን አይበቃም። ትዳርን የምትፈልግ ልትሆን ትችላለች፤ ግን ትዳርን መፈለግና ትዳርን መሸከም ሁለት የተለያዩ ነገሮች ናቸው። አንድ ወንድ ለትዳር የሚመርጣት ሴት የራሷ ሕይወት ያላት መሆኗንም ይመለከታል። ሁሉንም ነገር በእሱ ላይ ብቻ የማትጭን፣ ራሷን የምታከብር፣ የራሷን ውሳኔ መወሰን የምትችል፣ በፍቅር ውስጥም ራሷን የማታጣ ሴት መሆኗን ይፈልጋል። ከሁሉም በላይ ግን አንድ ወንድ ራሱን የሚጠይቀው ጥያቄ አለ... “ከዚህች ሴት ጋር በዕድሜዬ ሁሉ አብሬ ብኖር፣ ቤቴ የሰላም ቦታ ይሆናል ወይስ የጦርነት?” የሚል ነው። ይህን ጥያቄ የሚመልሰው አፍንጫዋ አይደለም። ቁመቷም አይደለም። ውበቷም ብቻ አይደለም። ማንነቷ ነው። ባህሪዋ ነው። እሴቷ ነው። ልቧ ነው። ስለዚህ ለትዳር ብቁ መሆን ማለት “አንድ ወንድ እንዲወደን ምን እናድርግ?” የሚለው ጥያቄ አይደለም። “አንድ ሰው ሕይወቱን ከእኛ ጋር ሲያጋራ የሚያገኘው ምንድነው?” የሚለው ጥያቄ ነው። ትዳር የሚጀምረው “እኔ ምን አገኛለሁ?” ሳይሆን፣ “እኔ ምን አመጣለሁ?” ከሚለው ጥያቄ ነው። በአጠቃላይ፣ የሚያምር ፊት የሚያልፍ ውበት ነው፤ የሚያምር ልብ ግን በየቀኑ የሚያድግ ውበት ነው። ለትዳር የሚመርጥ ወንድ የሚፈልገው ፍጹም ሴት አይደለችም፤ ከእሱ ጋር ፍጹም ለመሆን በየቀኑ የምትሞክር ሴት ናት። ይህ የእኔ እይታ ነው ✍️ ቀጣይ ሌሎች እይታዎች እንዲደርስዎት የእኔ እይታን ፔጅ Follow, Like, Share, Repost እና Copy Link በማድረግ ቤተሰብ ይሁኑ! #foryou #fyp #viral #fypシ #viralvideo - @viewer_1221