@abeerabdelrahman80: تخيل نفسك كده إنك أنت رغيف العيش ده 🤔 رغيف العيش اتعمل ازاي : ١- دقيق.. لو تخيلناه إن هو الجينات والصفات اللي ربنا خلقك بيها. ٢- مية.. اللي هي الظروف اللي حواليك: عيلتك، والنادي، والمدرسة، والبيئة اللي اتربيت فيها. ٣-الأيد اللي عجنت الرغيف ده.. اختياراتك ودماغك أنت بتترجم الأمور إزاي وبتساعدك في إيه. ينفع نرجعه لأصل مكوناته!!!!!؟ لا طبعا طب ينفع نحسنه؟ اه ينفع! ينفع ندخله الفرن ونحمصه ويبقى طعمه أحلى … وينفع نحط عليه جبنة بارميجانو ريجيانو أو جبنة شيدر، وينفع نحط عليه عسل بطحينة. وينفع بقى لو عايزين نغيره خالص بعد ما ينشف نطحنه ونبدأ نعمله حاجة تانية خالص.. ممكن نعمله كيكة😳 المهم إن إحنا نكون متقبلين نفسنا، ونبقي عارفين إننا مش هينفع نرجع نفصل مكوناتنا عن بعض بس الأكيد إننا طول مافينا نفس نقدر نحسن الموجود بإذن الله

Abeer Abdelrahman

Open In TikTok:

Region: EG

Saturday 22 August 2026 18:00:00 GMT