لێرەدا دەبێ بزانیت کەوا شتێک نیە بەناوی ئەوەی ئافرەت نەتوانێت منداڵی ببێت!؛ بێگومان هەموو ئافرەتێک منداڵی دەبێت. بەڵام گەر بزانێت سیستەمی خۆراکی ڕاست پەیڕەو بکات. شتێک نیە بە ناوی تەکەیوسی هێلکەدان. شتێک نیە بە ناوی تەمەنی نائومێدی ئافرەت لە چلەکانی تەمەنیدا. ئەم شتانە هەرگیز نابێت بوونیان هەبێت! بەڵام کاتێک جەنابت بۆ ماوەیەکی دوور و درێژ خواردنی هەڵەت خستۆتە جەستەتەوە بێگومان ئەم خواردنانە کاریگەری ڕاستەوخۆیان کردۆتە سەر جەستەت و دەرەنجامی ئەمە کێشەی هۆڕمۆنات و هێلکەدانت بۆ دروست بووە و ئینجا دێیت و دەڵێیت منداڵم نابێت! ئەی کاتێک کە خۆراکت ڕاست دەکەیتەوە و ئەو سیستەمە پەیڕەو دەکەیت جەستەت خودکارانە توانای هەیە کێشەکانی هۆڕمۆناتت چاک بکاتەوە و بتگەڕێنێتەوە بۆ بارە تەندروستەکەت. لێرەدا دەبێ بپرسین کەوا کێ بوو یەکەم جار ئەم قسانەی کرد و وە بە تۆماریش کرا. بێگومان گەورەمان پێغەمبەر ئیبڕاهیم. سەیری ئایەتەکە بکە. ئەو ئایەتەی کە ئەو لە قووڵاییەکەی تێگەیشت و بەڵام ئێمە لێی تێنەگەیشتین! کاتێک لەسەر پەروەردگار قسە دەکات و دەڵێت: وَالَّذِي هُوَ يُطْعِمُنِي وَيَسْقِينِ. ئەو زاتەی خواردنم پێدەدات و ئاوم پێدەدات. ئەی ڕاستەوخۆ ئایەتی دواتر چی دەڵێت؟ وَإِذَا مَرِضْتُ فَهُوَ يَشْفِينِ. وە گەر نەخۆش کەوتم، هەر ئەو چاکم دەکاتەوە. واتە لە ئایەتەکە سەرەتا خواردن و خواردنەوە باس کراوە، وە ڕاستەخۆ دوای خواردن و خواردنەوە باسی نەخۆشی دەکات. کەوا زۆر ڕوونە نەخۆش کەوتنەکەت پەیوەندی ڕاستەخۆی بە خۆراکتەوە هەیە. وە هەر پەروەردگار دەفەرموێت: وَكُلُوا وَاشْرَبُوا وَلَا تُسْرِفُوا بۆیە تەواو ڕوون و ئاشکرایە گەر زیاده‌ڕەوی لە خواردن و خواردنەوە بکەیت، بێگومان کارەساتە! بەڵام ئەوە ئێمەین نازانین و بە ڕووکەشی وهەڕەمەکیەوە مامەڵە لەگەڵ جەستەمان دەکەین. #سیستەمی_تەیبات #منداڵ #لەدایکبوون #عقم #تەکەیوس_وکیسی_هێلکەدان_چون #nutrition #Lifestyle #pcos - @taibat_system