@thomous3333: တချို့လူတွေကို တွေ့လိုက်ရုံနဲ့... ဘာကြောင့်မှန်းမသိဘဲ သဘောကျသွားတတ်တယ်။ ရုပ်ရည်ကြောင့် မဟုတ်ဘူး။ အဝတ်အစားကြောင့်လည်း မဟုတ်ဘူး။ သူတို့ဆီမှာ... လူကို အေးချမ်းစေတဲ့ အကြည်ဓာတ်တစ်မျိုး ရှိနေလို့။ အဲဒီအကြည်ဓာတ်က... မိတ်ကပ်နဲ့ ဖန်တီးထားတာ မဟုတ်သလို ဈေးကြီးတဲ့အဝတ်အစားတွေနဲ့လည်း ဝယ်ယူလို့ မရဘူး။ လူတစ်ယောက်ရဲ့ စိတ်နေစိတ်ထားကပဲ... သူ့မျက်နှာပေါ်မှာ တဖြည်းဖြည်း ပုံဖော်သွားတာ။ အမြဲတမ်း ဒေါသတွေ၊ မနာလိုစိတ်တွေ၊ အငြိုးအတေးတွေနဲ့ နေတဲ့လူဟာ... ရုပ်ချောနေရင်တောင် သူ့မျက်နှာမှာ ပူလောင်မှုတစ်မျိုး ပေါ်နေတတ်တယ်။ တစ်ဖက်မှာတော့... စိတ်ထားနူးညံ့တဲ့သူတွေ၊ သူများအပေါ် စေတနာထားတတ်တဲ့သူတွေဟာ... ရုပ်အရ အထူးလှမနေရင်တောင် သူတို့ဆီမှာ ကြည့်လေကြည့်ချင်ဖြစ်စေတဲ့ အကြည်ဓာတ်တစ်ခု အမြဲရှိနေတတ်တယ်။ တချို့လူတွေကို အကြောင်းမရှိဘဲ ယုံကြည်ချင်မိတာ... တချို့လူတွေ အနားမှာနေရင် စိတ်အေးသွားတာ... ဒါတွေက သူတို့ရဲ့ အကြည်ဓာတ်ကြောင့် ဖြစ်တာများတယ်။ အကြည်ဓာတ်က... မျက်နှာပေါ်မှာပဲ မဟုတ်ဘူး။ စကားပြောပုံမှာလည်း ပေါ်တယ်။ အပြုအမူတွေထဲမှာလည်း ပေါ်တယ်။ တခြားသူတွေအပေါ် ဆက်ဆံပုံထဲမှာလည်း ပေါ်တယ်။ ဒါကြောင့်... တကယ်ဆွဲဆောင်မှုရှိတဲ့ လူတစ်ယောက်ဆိုတာ ရုပ်ချောလို့ ဖြစ်လာတာ မဟုတ်ဘူး။ သူ့စိတ်ထဲက အလင်းရောင်က သူ့မျက်နှာပေါ်အထိ ထွက်ပေါ်နေလို့ ဖြစ်တာ။ နောက်ဆုံးမှာ... လူတွေ မှတ်မိနေကြတာက မင်းရဲ့ မျက်နှာကို မဟုတ်ဘူး။ မင်းဆီက ရခဲ့တဲ့ ခံစားချက်ကိုပဲ။ အကြည်ဓာတ်ကောင်းတဲ့လူတစ်ယောက်ဟာ... ဘယ်နေရာရောက်ရောက် လူတွေရဲ့ စိတ်ထဲမှာ အလိုလို နေရာရနေတတ်တယ်။ #crdစာသား #kyk #fypシ゚viral #ဘဝအတွက်စာဖတ်ပါ📚📖 #viwesproblem

𝗞𝘆𝗮𝘄 𝗬𝗲 𝗞𝗼🇲🇲(𝕃𝕛)

Open In TikTok:

Region: MM

Tuesday 18 August 2026 06:41:58 GMT